A compendium of official documents relative to native affairs in the South Island, Volume One.

[Deed of sale at Port Coopers Block]

No. 647.
Deed of Sale,
Port Cooper Block.
£200.
Ngaitahu Tribe.
Executed 10th Aug.
1849.
Plan attached.

Whakarango

mai ra e nga tangata katoa, ko matou, ko nga rangatira, ko nga tangata o te Whakaraupo (

Port Cooper

) ara, o nga whenua katoa e takoto ana i ia taha, i ia taha o te Whakaraupo e mau nei te ahua, kua tuhi i a matou ingoa, i a matou tohu, he whakaaetanga mo matou mo o matou whanaunga, mo o matou tamariki, mo o matou uri katoa e whanau i muri iho i a matou kia tino tukua rawatia atu nga whenua katoa o matou e tuhia nei nga rohe, e mau nei te ahua ki tenei pukapuka tuku whenua ki a

Her Majesty the Queen of Great Britain her heirs and successors

, hei whenua tumau tonu iho mona, mo nga Pakeha ranei i whakaaetia e ia ara, e

His Excellency the Governor

, kia tukua mo ratou aua whenua.

A notemea kua whakaae matou kia tukua rawatia atu o matou whenua e takoto nei i roto i nga rohe meake nei tuhia, e whakaae ana Mr. Mantell Commissioner for the extinguishment of Native Claims i runga i te mana kua tukua mai ki a ia e His Excellency the Lieutenant-Governor of the Province, kia utua matou ki nga pauna moni erua nei rau takitahi (£200) kua riro mai nei kia matou i nga ringaringa o Mr. Mantell, hei utunga whakamutunga rawatanga mo aua whenua.

Na ko nga rohe enei o nga whenua ka tukua tonutia e matou; ka timata te rohe whakauta i te ngutuawa Opawa, ka haere atu ma te rohe i tuhia ki te kautu o te pukapuka tuku whenua a Mr. Commissioner Kemp i te 12 o Hune, 1848, a haere tonu ma taua rohe puta tonu ki Waihora; ko to rohe whakawaho kia timata ki Kaitara a, haere tonu ma te Pohue, a, ma te hiwi a te Ahupatiki a, puta tonu ki Waihora ki te wakamarotanga o taua maunga ki Kuhakawariwari; otira ki te pukapuka ruri te tino tohu te tino ahua o te whenua, a, ko te whenua katoa me nga aha noa iho o aua whenua e takoto ana i roto i enei rohe, haunga ano nga wahi i whakatapua mo matou e Mr. Mantell Commissioner, kua oti nei te tuku tonu atu.

Ko te wahi tuatahi e whakatapua nei mo matou ko te wahi whenua ki Purau, e iwa pea eka o roto i ruritia ai e Mr. Octavius Carrington, Surveyor, i whakaaturia ai nga rohe ki a Tiemi Nohomutu, ki a Kautuanui, ki a Tami Tukutuku, ki a Tiemi Kokorau, i te aroaro o Joseph Thomas, Esq., i te 25 o nga ra o Hurae, 1849.

Ko te tuarua, ko nga rakau o te motu ngaherehere e huaina nei ko Motuhikarehu, ki uta atu o Purau, hei mahinga wahie mo matou, ko te whenua e hara ia hei a matou, hei te Pakeha ano ia, i whakaaturia ano taua wahi ki a Tiemi Nohumutu ma e Mr. Mantell, Commissioner raua ko Mr. Carrington i te 26 o nga ra o Hurae, 1849.

Ko te tuatoru, ko te wahi whenua e huaina ana ko Rapaki, ko Taukahara; ko nga rohe enei i whakaaturia ai ki nga tangata Maori e Mr. Carrington, i te aroaro o Joseph Thomas, Esq., raua ko Mr. Mantell, Commissioner, e timata ana kei te pou e tu ana ki te rae ki Otuherekio, ka haere ka piki ma te Hiwi ara, ma nga tohu i whakaaturia ai e Mr. Carrington, tae tonu ki runga ki te Upokookuri, a, haere tonu ma aua tohu, a, heke iho ma te hiwi ki te taha whakauta o Taukahara ma te pari e huaina ana ko Nohomutu, a, hono ki te awa iti ko Okaraki te ingoa, a tika tonu ma taua aua, a, hono tonu ki te wai tai.

Otira, ki nga kautu o Mr. Carrington, te tino tikanga o aua rohe katoa.

Heioi; ko te whakamutunga rawatanga tenei o nga wahi e whakatapua mo matou i roto i te rohe mo Her Majesty the Queen of Great Britain, a ko aua wahi e whakaae ana hoki a Mr. Mantell, Commissioner, kia waiho hei whenua tumau iho mo matou, mo o matou uri i muri iho i a matou, ake tonu atu.

E whakaae ana hoki matou kia kaua e hokona ki te Pakeha aua wahi kua oti nei te wakatumau kia matou kia wakaae mai ra ano His Excellency the Governor.

Ano, e whakaae ana hoki matou kia kaua e tukua he Pakeha ki aua wahi noho ai kia whakaae mai ra ano His Excellency the Governor.

Ano, e whakaae ana hoki matou kia waiho tonu mo His Excellency the Governor te whakaaro mo nga ara ruri nui e wakaaetia amua e His Excellency the Governor kia hanga, kia takoto marire ki roto i nga rohe kua oti nei te whakatapu tonu mo matou.

A mo to matou whakaaetanga pono rawa ki nga tikanga katoa i roto i tenei pukapuka tukua whenua, kua panuitia mai nei ki a matou ka tuhia o matou ingoa me o matou tohu;—a, mo te whakaaetanga hoki a Her Majesty the Queen of Great Britain, ki nga tikanga katoa i roto i tenei pukapuka ka tuhia hoki te ingoa o Mr. Mantell, Commissioner for the extinguishment of Native claims.

I Oketeupoko, i te Whakaraupo ( Port Cooper), no te ngahuru o nga ra o Akuhata, i te tau kotahi mano e wa [ gap — reason: damage]au e wha tekau ma iwa, i tuhia tenei pukapuka, 10 th August, 1849.