Te Whaikorero a te Pihopa.

E toku iwi e arohaina nei i roto i te Ariki, e te iwi o tenei enua pai o Niu Tireni:

Na Mahutoŋa i tohutohu mai o koutou tupuna, me te nui hoki o to ratou maia, kia akaiti ora mai ratou i te Moana Nui a Kiwa, ki tenei enua. Na te Atua hoki, mona nei te tohu tapu a te Ripeka, ahau nei i arahi mai kia hakahiti i te moana ki tenei pihopataŋa, hei matua, hei kai-tohutohu mo koutou. Nui rawa te koiŋo me te aroha o toku ŋakau ki a koutou, e toku iwi.

Ma te Atua tatou tahi e akakaha ki te mahi kia akahoutia ŋa mea i roto i tenei enua. Ki toku roŋo kei te mahi tetahi ropu, e kiia nei ko te Ropu akatupu o te Iwi page 6Maori, ki te akatupu i te pai i roto i a koutou i te iwi. Ko taku kupu tenei ki a ratou kia waiho ko te akapono me te akaroŋo ki a Ihu Karaiti hei kaupapa, kei maumau ta ratou mahi.

Ko tatou katoa, te iwi Pakeha raua ko te iwi Maori, he tuākana he tēina tatou. Kei te akawaia ŋatahitia tatou: kei te inoi tahi tatou ki te Atua kia murua o tatou hara. Ko te mea e matea nuitia ana e tatou tahi ko te kaha me te aroha noa o te Atua. Na reira, kia kotahi hoki te akaaro i roto i a tatou, kia haere tahi tatou, kia inoi tahi, kia aina tahi tetahi i tetahi, kia mahi tahi ki te akahou i ŋa mea o tenei enua.

He hariŋa ŋakau ki a au tenei taeŋa mai oku ki waeŋanui i a koutou i enei ra tuatahi o taku mahi pihopa, ki te kawe mai, i roto i tenei mahi hou aku, i te manaaki a te Atua ki etahi o koutou i akahou nei i ŋa kupu i akaaetia e o ratou matuaatua, ki te akatapu i tetahi are-karakia hou, ki te rapu tahi tatou, me te ŋakau tumanako, i etahi tikaŋa e akahoutia ai te mahi. Ko te hiahia o te ŋakau kia haere tahi tatou i enei mea hou kia tae ki te tutukitaŋa, ara, ki te tino taŋata, ki te mehua o te tino Kaumatuataŋa e tutuki ai ki to te Karaiti.

Kei te mohio au ka kaha tonu to koutou kai-tirotiro, taku teina aroha, a Te Hokena, ki te aina i a koutou. To maua hiahia tenei kia pau to maua kaha ki te tautoko i ŋa mea pai katoa i roto i a koutou.

Kia inoi tonu koutou ki te Atua moku. Kei te inoi hoki ahau mo koutou i ia ra, i ia ra. Ma te Atua tatou e arahi, e tohutohu i roto i tenei Hui, mana hoki e tuku iho tana manaaki ki ruŋa ki a tatou i ŋa wa katoa.