Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Whakamana i Nga Mahi a Nga Kooti Whakawa Takiwa

page break

Niu Tireni.

Whakamana i Nga Mahi a Nga Kooti Whakawa Takiwa.

He Ture hei whakamana i etahi mahinga i roto i te Kooti Whakawa Takiwa.

Notemea kua puta he Panui i ia wa i ia wa hei whakaatu kia pa etahi o nga tikanga o "Te Ture Kaiwhakawa Takiwa 1867" e pa ana ki te iwi Maori ki etahi takiwa e whakahuatia ana i roto i aua panuitanga. Notemea kua whakarereketia aua takiwa i ia wa i ia wa, ko etahi hoki kua whakakorea kua whakahoutia i raro ano i nga ingoa hou me nga rohe hou hoki i roto i etahi Panuitanga, a kaore i kiia i reira me mana aua tekiana kua whakahuatia ake nei i roto i aua takiwa i whakarereketia i whakahoutia ranei: Notemea hoki ko nga Kaiwhakawa i whakaturia kia mana ki te whakahaere i aua tekihana i roto i aua takiwa i whakaritea ra i roto i te panui tuatahi, a kua whakahaere tonu ratou i aua mana whakawa i roto i ano hoki i aua takiwa i whakahoutia whakarereketi ranei, na e tika ana inaianei kia kiia i tika aua whakawakanga:

No reira ka meingatia, ara:—

1.Ko te ingoa Poto o tenei Ture ko "Te Ture Whakamana i nga mahi a nga Kooti Whakawa Takiwa, 1885."
2.Ko nga rarangi o roto o "Te Ture Kai-whakawa Takiwa, 1867," e pa nei ki te iwi Maori, kua kiia nei i roto i te Panui e mana ana i roto i tetahi takiwa o te koroni, pera me te mea e whakahuatia ana i roto i aua Panui, me penei ano mehemea nei i te mana tonu aua tikanga i roto i aua takiwa ahakoa i pewhea te whakahoutanga whakarereketanga ranei o nga rohe tuatahi i ia wa i ia wa, me ia takiwa i panuita i muri mai nei hei whakakapi i era takiwa tawhito kua whakakorea kua whahoutia nei ranei.
page 2

Na ko nga mana whakawa katoa o nga Kai-whakawa Takiwa e tika ana kia mahia i roto i aua takiwa tawhito, me penei ano mehemea nei i tika te whakahaerenga a nga Kai-whakawa Takiwa i aua mana i roto i aua takiwa ahakoa i pewhea te whakarereke te whakawhaiti te whaka-whanui ranei i nga rohe, i roto ranei i ia takiwa i whakaritea hei whakakapi i tetahi o aua takiwa tawhito kua whakakorea nei kua whakahoutia ranei.