Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

[Printed notice, 30 April 1885, inviting specimens for an exhibition]

page break

Tari Maori,

Poneke, Aperira 30, 1885.

E Hoa,

Tena koe. Kua tae pea te rongo ki a koe mo te whakakitenga taonga ki Poneke a nga marama o Akuhata, o Hepetema, o Oketopa, a e whakaaro ana Te Minita mo te Taha Maori kei te hiahia ano nga Maori ki te tuku mai i nga taonga i whakatupuria, i mahia hoki e te ringa Maori kia whakaaria i taua whakakitenga taonga. E apitiria ana ki tenei te rarangi ingoa o etahi o nga mea e tika ana kia tukua mai.

Ki te hiahia koe ki te tuku mai i tetahi mea ki taua whakakitenga, me whai kupu atu koe ki te Apiha mo nga mea Maori i to Takiwa, kei a ia hoki etahi kupu whakamarama mo taua mahi, ki te pai koe mana e whakarite te tukunga mai e pai ana; kahore he utu mo te haringa mai ki Poneke nei, me te whakahokinga atu hoki ki a koe.

Kei te hiahia a Te Paranihi tera ka tukua mai e nga hoa Maori a ratou taonga hei matakitaki mo te katoa, i whakaritea hoki tenei whakakitenga hei whakakite i nga taonga o nga tangata katoa o to tatou nei motu, he mea kia kitea ai te ahua o nga tini mea e whakatupuria ana, e mahia ana e nga tangata o Niu Tireni.

Mau enei korero e whakaatu atu ki nga tangata o to kainga.

Na to hoa aroha,

Na Te Ruihi.
T. W. Lewis.

page break

He Huruhuru Hipi, he Kaanga, he Kumara, he Taro, he Torori, he Aruhe, he Kao, he Taro i mahia ki te Hinau me te Raupo, he Huahua Manu, he Waitae, he Kapia, he Hakeke.

Nga Rongoa Wai a te Maori.

Nga Pueru katoa aha noa, aha noa, nga Kaitaka, nga Tatua, nga Whitiki, nga Kawe, nga ahua o nga Kete katoa, nga Paro kohi kai.

Nga Rakau Whakairo, te Tete Waka, te Hoe, te Komaru, te Tiheru, te Kumete Whakairo, nga Heru, nga Pini, nga Taha Whakairo, te ahua o te Whata, me te Kauhoa Maori.

Nga Mere Pounamu, nga Heitiki, nga Whakakai Taringa, nga Mere Rakau, nga Mere Kohatu, nga Mere Paraoa, te Taiaha, te Wahaika, me a te Maori tini Patu, te Toki Maori, te Tetere, te Pupu-Whakatangi, te Putorino.

Nga Aho, nga Matau Maori, nga Hinaki, nga Taruke.

Nga Ko me nga Rakau ngaki whenua.

Nga Mahanga me nga Koro-manu, nga Here.

Nga Manu, nga Potaka, nga Koi, nga Morere.

Nga Kauahi hika kapura.

Nga Rakau hei Ta Moko.

Nga Hou Manu, Huruhuru Tiatia hoki.

Nga Paua me era atu tini mea katoa.