Preface.

He whaka marama atu tenei i te tikanga o te kupu nei Uniana he kotahi no nga whakaaro he kotahi no nga tikanga kaore e wehe etahi i etahi mo reira te kupu nei Uniana.

E kitea ana ko te ora e puta mae ana ki nga kaimahi ko te whaka kotahitanga i a ratou i te Uniana. Meho mea kaore e kotahi he tikanga ka taea e o ratou rangatira te whakatakoto ritengu, Meho mea ka kotahi nga kaimahi, ka homai kia ratou te utu e tika ana. I te mea ko ngatangata katoa e mahi ana e whaka kotahi ana i runga i te ahua o ta tena Mahi o ta tena Mahi. Ko nga tangata kaore nei e uru ana ki roto i tetahi ahua kotahitanga. Ko ena tu tangata ka he. I te mea ma te kotahi e kaha ai ratou ki te tiaki i to ratou tika e takahia ai e etahi tangata hoa mahi o ratou.

E kore hoki tetahi whakakotahi tanga e kaha ma te whai ture tikanga rano. E ngari kaore he tikanga o aua ture Meho mea kaore e korerotia, e whakamana hoki, hei titiro kau atu kaore e whaka pumautia, e ngari Meho mea ka tautokotia a ka whakarongona tia ka kotahi uga whakaaro me nga tikanga kei reira he pai te Unianatanga. No reira korero tia nga take me nga tikanga o roto nei. Kei reira ka kitea me he mea ka pumau tetahi ki tetahi kei reira ka hinga nga raru raru e eko mai hei ki runga i te Oranga o ia tangata o ia tangata. Ko te whaka tu i te hoa hoa tetahi ki tetahi ma reira e ora ai tatou. Kei reira nga mema katoa o tenei whaka kotahi tanga ka koa i te putanga o tona kaha.