Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Ture Whakatikatika i te Reita

page break

[Rating Act Amendment.
Hon. Te Waari.

Ture Whakatikatika i Te Reita.

He Pire e Huaina Ana

He Ture hei Whakatikatika i "Te Ture Reiti, 1894."

Ka meingatia hei Ture e te Runanga Nui o Niu Tireni e noho huihui ana i roto i te Paramete, i runga hoki i tona mana, ara:—

1.Ko te Ingoa Poto o tenei Ture ko "Te Ture Whakatikatika i te Ture Reiti, 1895," a me korero tahi raua ko "Te Ture Reiti, 1894," (ka huaina i raro iho nei ko te " tino Ture ").
2.

Haunga ia nga whenua kua kapea nei e wahanga (11) o te whakamaramatanga o "nga whenua e reititia ana," i tekiona rua o te tino Ture, kua meingatia i konei hei ture, ara:—

(1.)Katoa nga whenua Maori kua tau ki te Kai-tiaki mo te Katoa i raro i "Te Ture Whakariterite i nga Rahui o te Tai Hauauru, 1892," etahi atu whenua ranei kei a ia e tiaki ana mo te Maori, ka kiia era he whenua e reititia ana, a ka kiia ko te Kai-tiaki mo te Katoa te tangata nona i runga i nga tikanga o te tino Ture;
(2.)Ko nga wahi o aua whenua e nohoia ana e etahi atu tangata ehara nei i te Maori ka tika kia reititia mo nga reiti katoa a kia utu i aua moni katoa;
(3.)Ko nga wahi o aua whenua (kaore nei e takoto ana i roto i tetahi paro) e nohoia ana e te Maori e takoto noa iho ana ranei ka tika kia reititia mo te hawhe anake o te reiti e whakataua ana i ia wa i ia wa, a kaua e utu i nga reiti motuhake;
(4.)Me utu te Kai-tiaki mo te Katoa i aua reiti i runga anake i tona turanga kai-tiaki, a i runga anake i te kaha o nga moni kei a ia i ia wa i ia wa ki te utu haere, i te wa e taea ana te tono e te ture.
* * * * * *
4.Kua whakatikatikaina te tino Ture i konei, ara:—
(1.)Mo runga i tekiona rua, me whakawhanui te tikanga o tenei kupu o te "Kai-noho," ahakoa kai-noho i te whenua Maori i te whenua ranei ehara nei i te whenua Maori, kia uru atu ai ki tona tikanga te tangata, tetahi hunga, tetahi kamupane ranei, kei a ia, kei a ratou ranei, tetahi riihi, raihana, tetahi atu tikanga ranei e whai mana ai ia, ratou ranei, ki te tua, ki te poro, ki te kani, ki te hari atu ranei ki tetahi atu wahi, i nga rakau e tupu ana e tu ana ranei i runga i taua whenua.
* * * * * *
8.Ko tenei Ture ka kiia i timata tona mana i te ra i timata ai te mana o te tino Ture.