He Ture hei whakatikatika i "Te Ture Mahi Kapia, 1898"

He Ture hei whakatikatika i "Te Ture Mahi Kapia, 1898."

Ka Meingatia hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—

1.	Te Ingoa Poto o tenei Ture ko "Te Ture Whakatikatika i Te Ture Mahi Kapia, 1899," me korero tahi tenei Ture me "Te Ture Mahi Kapia, 1898" (ka kiia i muri ake nei ko "taua Ture"), a me whai mana tenei Ture a te tahi o nga ra o Hanuere, kotahi mano e iwa-rau.
2.	Ahakoa nga kupu i roto i taua Ture, e kore te tangata e whai mana ki te keri i runga i tetahi rahui kapia mehemea ehara ia i te kai-tango raihana motuhake i runga i taua Ture, me te whakaatu hoki e eke ana taua raihana ki taua rahui; mehemea ranei ehara ia i te tangata no te Kuini i runga i tona whanautanga, i whakauru ranei ia i a ia hei tangata mo te Kuini, he tuturu tangata Maori ranei ia.
3.	(1.) Ko rarangi (b) o te wawahanga tua-rua o tekiona tua-rima kua whakatikatikaia i konei, a kua patua nga kupu nei "tino raihana ranei" i roto i taua rarangi. (2.) Ko te tekiona tua-waru o taua Ture ano kua whakatikatikaia, a kua patua nga kupu nei "he tino raihana ranei" i roto i taua tekiona. A kua patua hoki nga kupu nei "kua takoto i roto i te tua-ono me te tua-whitu o nga tekiona" a me whakauru atu nga kupu nei "i roto i te tua-ono o nga tekiona" hei whakakapi mo aua kupu i patua ra.
3.	Kua whakatikatikaia taua tekiona tua-ono, a kua apitiria atu ki taua tekiona nga kupu e whai ake nei; ara, " 'E keri tika ana ranei ia i te kapia' ko tona tikanga ina whakahaerea ki runga ki nga tangata iwi ke ka pa ki nga mea o ratou e keri kapia ana i runga i te mana o tetahi pukapuka whakaaetanga, raihana ranei kua whakaputaina e te ropu takiwa whai mana e tetahi Komihana o nga whenua o te Karauna ranei, i raro i nga tikanga o 'Te Ture Whenua, 1892,' i mua mai i te tahi o nga ra o Hanuere, kotahi mano e waru rau e iwa-tekau-ma-iwa."page 2
4.	Ki te kore e whakaaetia e tetahi apiha o tetahi ropu takiwa, kia puta he raihana ki tetahi tangata e ahei ana te whakaatu tika kua rite i a ia nga tikanga e tau ana mo runga i taua raihana, a kua tukua atu hoki e ia te moni whii kua whakaritea mo taua raihana, ka taea te apiha pera te whiu mo ia hara pera kia utu ia i te whaina kia kaua e neke ake i te rima nga pauna, a ka taea taua whaina te tono e te tangata kia whakawakia e tetahi Kooti whai mana ki te pera.
5.	Ko tekiona tekau-ma-whitu o taua Ture kua whakatikatikaia, a kua apitiria atu ki taua tekiona te kupu nei, ara: "Engari ia ka ahei te tangata nona tetahi whenua freehold ki te whakamana he mea tuhi ki te pukapuka i tetahi tangata he kai-mahi tuturu nana ki te keri kapia i runga i te whenua pera, a kahore he tikanga e tango raihana ai taua kai-mahi i a ia e keri kapia ana i runga i taua tikanga."