Proceedings of of the Kohimarama Conference, Comprising Nos. 13 to 18 of the "Maori Messenger."
Na Ngatimahanga
Na Ngatimahanga.
Wanganui, [ara, Kohimarama,] Hurae, 1860.
E hoa e te Kawana,—
Tena ra koe! E nga rangatira e tuku ana i te aroha ki nga iwi katoa. tena koutou katoa! Tenei ano aku whakaaro kua puakina ki nga iwi katoa i runga, i raro, mo nga hara hoki o te iwi e rapu ana ki te he. He mea atu tenei naku ki a koe kia mau te pupuri i te kupu a to hoa, a Potatau, kia mau ki te atawhai. Koia au i mea ai ki a koe, kia kaha ki te pehi i nga kino a te iwi, kia puta ai te haringa ki roto ki te whakaaro o ia iwi o ia iwi, kia rite ai ki ta te Karaipiture e ki ana, "Arohaina atu o koutou hoa tata, ano ko koe." Tenei ano hoki tetahi o kau whakaaro. E rite ana ki te tio e piri ana ki te toka kohatu i waengamoana; ahakoa pakia e te ngaru e kore e taka i taua toka kohatu. Te tikanga o tenei toka, ko te Kuini, te tikanga o te tio, ko nga tangata e noho ana ki Whaingaroa, ki Aotea. Heoi ano.
Na Te Waka Te Roki. Ki a Kawana raua ko
Te Makarini, ko Te Mete.