Proceedings of of the Kohimarama Conference, Comprising Nos. 13 to 18 of the "Maori Messenger."
Na Ngarauru
Na Ngarauru.
E hoa, e te Kawana,—
Tena koe! Kia rongo mai koe ki taku korero i naianei. E kore au e pai kia uru au ki roto ki te he o te tangata ke, engari ka mahi pai tetahi tangata ke, ka uru atu au ki roto ki ana mahi pai; Ka mahi kino, page 34 kaore au e pai, matou ko toku iwi. I ki mai ratou—Haere, whai atu i te pai ki a te Kawana; kia rongo koe i nga korero e haria mai nei, ka kite k[unclear: o]e i te pai, mauria mai hei taonga mo tatou. E hoa, e te Kawana,—Kia kitea te atawhai i a matou ko toku iwi, me aku Pakeha. Kia puta he reta mau ki a Te Ture, ki a Waiata, kia atawhai ki a matou ko toku iwi; kia puta ake hoki he reta mau ki a matou i roto i nga tau katoa, i nga marama, hei whakamarama i a matou. Tenei ano hoki tetahi o aku kupu. Kaore au e pai ki nga tikanga e mahia mai nei e te whakaaro o te tangata, engari nga mahi i whakaritea marietia e te Atua, e te Kuini hoki, hei mahi maku i nga ra katoa o toku oranga ake. E hoa, e te Kawana, tenei ano hoki tetahi kupu aku: ko te ara ki nga paura. me nga hota, kia whakatuwheratia, kia hoko matou, nga tangata o te Kawanatanga; engari nga tangata kaore e pai ki te Kawanatanga, me tutaki ki a ratou.
E koro, e te Kawana,—Whakamana enei korero aku ki a koe. Heotiano aku korero ki a koe.
Naku,
Na Pehimana Manakore,
o Waitotara, Pakaraka.