Proceedings of of the Kohimarama Conference, Comprising Nos. 13 to 18 of the "Maori Messenger."
Na Ngatikahungunu.No. 2
Na Ngatikahungunu.No. 2.
E hoa, e Kawana Paraone,—
Tena koe, i runga o nga mahi hei whakatipu mo te tinana. I tenei taima ka noho nui au kupu ki o matou aroaro, me a matou nei kupu ki tou aroaro. Engari ko nga he o muri o tenei runanga, ma nga iwi kna rupeke nei ki te whakarongo ki tau kupu e ata mahi nga he, ma te Kawanatanga hoki.
Tera ano tetahi raruraru kei Turanga, kei Makaraka, mo te kainga o Te Kamu Kahutia, o raua ko Raharuhi Rukupo; e mea ana matou mo taua kainga kia ata whakaritea mariretia. Ko te whakaaro tenei a matou, ko taua kainga, kua tu nga hoiho, nga kau, mo taua kainga, hei utu. Heoi, ma te Kawanatanga e ata mahi taua whenua, ma te hunga hoki nona te kainga, kia takoto pai ai nga tikanga, kia noho pai ai nga tangata Maori, me nga Pakeha o Turanga.
E hoa, ko nga tika raruraru e mohiotia ana e koutou me tiki ake, me ata korero, kia mahia tikatia ai nga ritenga pai, kei tupu te he ki runga ki a matou; kia kotahi ai ture, kia kotahi ai tikanga, he aroha tetahi ki tetahi ki te aroha whakateina. Ma konei ka kitea ai te aroha o te tuakana ki nga teina Maori, ma te ata whakahaere i nga tikanga pai mo tatou.
Tena ano tetahi kupu na Te Paretene Pototi ki au, "Haere ki te whakarongo i nga korero a Kawana." Tenei tana kupu, "Haere atu ki a Kawana kia houhia te rongo o ta raua whawhai, kia tipu ai te Maori, kia tupu ai te Pakeha." Heoi.
Na te hunga tenei korero i noho atu i te kainga i Turanga, koia tenei ko a ratou kupu.
Na tetahi kaumatua, na Te Kemara Manutahi, kotahi ano te kupu, he aroha ki te Pakeha, ki nga tangata Maori, kia houhia ano te rongo a Kawana raua ko Wiremu Kingi.
Na tetahi kaumatua, na Pita Tutapaturangi kotahi ano te ara o te kupu, mo te pai anake, mo te ata noho, o nga tangata o ia wahi, o ia wahi.
Na tetahi kaumatua, na Hare Tauomanaia, kotahi ano te kupu, he pai anake, kia houhia page 38 hia ano te rongo o ta korua whawhai.
Eraihia Te Kotuku, ko taua kupu ano, mo te pai ki nga Pakeha, ki nga Maori.
Heoi ano a matou nei tikanga.
Na Tamati Hapimana Te Rangi, Na Tamihana Ruatapu, Na Te Waka Ruatahuna, Na te hunga o Turanga Nuiarua.