Title: Proceedings of of the Kohimarama Conference, Comprising Nos. 13 to 18 of the “Maori Messenger.”

Publication details: Auckland

Part of: He reo ture nō te taha Kāwana / Language of the Crown

License: Creative Commons Attribution-Share Alike 3.0 New Zealand Licence

Na Ngatikahungunu. No. 5.

E ta, tena ra koe! He kupu atu tenei na matou ki e koe, ko tetahi takotoranga Hui au hei konei, hei Akaraua nei; ka meatu nei hoki maua ki a koe, me haere hoki koe ki page 44 Poneke, ki reira tetahi runanga au whakatakoto ai. Ko te mea tena e hiahiatia ana e nga rangatira katoa o te upoko o te motu nei, o Niu Tireni. E ta he ki pono tena ki, e kiia atu na ki a koe, ko te ki katoa tena a nga rangatira o runga, kia haere ake koe ki Poneke korero ai, kia mohiotia katoatia e koe ou tangata, kia mohiatia e koe o te Kingi tangata, kia whakararangitia e koe ou tangata ki raro ki te maru o te Kuini, a mana e whakatotika ona tangata e noho ana i raro i tona maru; ara, ko nga wahi e hapa ana o te mahi a te Kuini kia whakatotikatia e koe. Ko nga whenua e homai ana e koe ki a matou, ki ou tamariki, kahore ano kia ata oti noa, ara, kia riro mai he Karauna Karati. Ko tetahi raruraru tena. Ko tetahi, ko o matou whenua e hokoa atu ana ki a koe, kahore ano i riro mai nga utu ki a matou, a ka pena matou me te kuri i te tataritanga ki nga utu o matou whenua. Ko tetahi wahi tena o matou nei whakaaro kia whakaotiotingia ena wahi raruraru. Ko nga he tena e puta ana i nga taima katoa ki a matou. Tenei tetahi: ko nga tangata o ie Kingi Maori e tohe ana ki a matou, ki o te Kuini tangata, kia riro i aia i taua mahi huakore. Kaore ianei ona take tahi o taua mahi Kingi. Ko tona take tonu tenei, kia rongo mai koe. He tango whenua tonu i nga wahi i a te Kuini, kia riro to te Kuini mana i aia. Ka tika hoki to kupu e ki nei koe, he whakakake tenei ki te Kuini. Ae, he tika tena kupu au. Na, tenei hoki la maua ki a koe, kia whakararangitia e koe ou tangata e noho ana i tenei motu i Niu Tireni, kia ata mohiotia ai e koe ou tangata, a, hei a koe he oranga mo ou tamariki. Ko te ora tenei e puta mai ana i a koe, ko nga taonga katoa, ko ou rawa katoa, ko te noho pai i runga i te marietanga Ko te Kingi Maori ko ona tangata, kai te Kingi he oranga mo ona tangata. E ta, he ki pono tena ki. Tena oti, mahia kia awe te kitea e koe. Ma te Kingi he rawa mo ona tangata, me tona nama. Ko nga whaakaaro tena e tautohetohe ana i roto i o matou runanga katoa, i o nga Maori, ara, kia whakamahia e koe ena kupu katoa. Ka mutu.

He waiata:

Kati hoki au ki te taha Maori,
Ka huri tenei ki te taha Pakeha,
Ka whakautua ahau Ki nga paraikete nei.