Te Rongo
Katapere.

No te 26 o nga ra o Hune i tuhituhi atu ai nga rangatira o Ngatitoa—na Hohepa Temaihengia, na Nopera te Ngiha, na ratou katoa hoki tetahi pukapuka ki a Ngaituahuriri o Katapere, e mea atu ana ki a ratou kia u tonu ki "nga tikanga marama o to tatou Whaea, o Kuini Wikitoria, o te kai whangai o nga Pakeha, o nga Maori" No konei i huihui ai nga Maori o Katapere ki Rapaki kia hurihia e ratou nga whakaaro o roto o tenei pukapuka; a ka whakaae katoa ratou kia pera ano ratou me Ngatitoa," kia piri ano ki nga ture o te Kuini i whakatupu tangata ai ratou."

Muri iho ka puta to ratou tohu aroha ki nga Pakeha "o te kainga e tauria nei e te pouritanga, a Taranaki." Ka rongo hoki ratou, ka mate nga Pakeha i te rawa kore, kua pau hoki nga taonga i te pahua: ki te whakaaro hoki o o ratou hoa Pakeha kia kawea ki Katapere etahi o nga koroheke, wahine, tamatriki,—e kohikohi ana i te moni mo tera; ka mea ano nga Maori ma ratou hoki tetahi wahi o tera kohikohinga. Na, kua kohikohi a Kaiapoi 10l. 14s, a Rapaki 1l. 14s. 6d., a Potariwi 4l. 7s. Rahore ano etahio nga kainga i oti noa te kohikohi. No te mea hoki ka tupatoria ratou e etaki o nga Pakeha, ka mea e haere pea ki Taranaki ki page 3 te iwi e whawhai ana, ka pouri ratou mo tenei, ka hiahia ano kia karangatia tetahi hui, e puta rawa ai o ratou whakaaro ki nga taringa o nga Pakeha kia kaua ai ratou e pera. Kua whakaae ano nga kai-whakariterite o nga Pakeha ki tenei, mea ana, hei te 13 o nga ra o Hepitema whakaturia ai he runanga mo te Pakeha mo te Maori, ki Otautahi, hei whakakotahitanga i nga iwi e rua, kia whakatupu tuakana, teina, ki runga o te aroha, ki runga o te ture o te Kuini.