| 11. | Me tu he Kaunihera ki ia takiwa ki ia takiwa e whakaturia ana i raro i tenei Ture kaua e iti iho nga mema i te toko-ono kaua e nui ake i te tekau-ma-rua haunga te Perehitene me te mema o te Kawanatanga me pooti i roto i nga tangata o te takiwa i runga i nga tikanga kua oti te whakaatu ki raro iho nei a ma te Kawana e whakatuturu te tokomahatanga o nga mema i te whakaturanga o te takiwa. E tika ana hoki ma te Kawana i runga i tona Panuitanga e wehewehe aua takiwa kia rite ki nga wahi e paingia ana mana koki e karanga e whakatuturu te tokomahatanga o aua mema e pootitia mo ia wahanga. |
| 12. | Ko te roa o te wa e tu ai taua Kaunihera kia toru tau timata i te ra o te pootitanga tuatahi a ka taea te mutunga o aua tau e toru me mutu te mahi a nga tangata i roto i te Kaunihera i taua takiwa me whakahou he pootitanga: Engari e ahei ano te Kawana ki te pai ia te whakaneke te whakakore ranei aua Kaunihera tetahi etahi ranei. |
| 13. | Ko te tangata noa atu e tau ana i runga i nga tikanga kua whakaritea ki raro iho nei ki te pooti mema mo te Kaunihera ka tau ano hoki ia kia tu hei mema mo te Kaunihera engari e ahei ano nga kai-pooti o roto i te takiwa ki te pai ratou kia pootitia etahi tangata e kore e nui ake i te tokotoru o te iwi Pakeha e noho ana i roto i taua takiwa hei mema mo taua Kaunihera a ko aua Pakeha kaore he tikanga ke atu e tau ai ratou kia tu hei mema ko ona tau anake kia tino taea te rua te kau ma tahi o ia tangata o ratou: Otira e kore tenei e kiia hei tikanga e pooti ai tetahi Pakeha i nga pootitanga mema mo aua Kanuihera-haunga nga mea kua ata whakaaturia ki raro iho nei.page 5 |
| 14. | I roto i ia takiwa Maori i ia takiwa Maori ka whakaturia i raro i tenei Ture ko te Kai-whakawa Tuturu o te tino taone o taua takiwa, ko tetahi atu tangata ranei e whakaritea e te Kawana i ia wa i ia wa, ka tu i runga i te mana o tona mahi hei mema mo taua Kaunihera, a ka huaina i muri nei ko te "Mema Kawanatanga." |
| 15. | Kei nga mea kua kapea atu ki waho o te mana o tenei Ture tetahi wahi o tetahi takiwa kua whakaturia i raro i tenei Ture, a i tetahi taima i muri iho ka kawea mai taua wahi ki raro ki te mana o tenei Ture, hei reira i nga meatanga pera katoa e tika ana ma te Kawana e karanga te tokomahatanga o nga tangata e pootitia o ia wahi o ia wahi pera hei tangata mo te Kaunihera o te takiwa; ki te mea kua nohoia tahitia tauawahi e te Pakeha raua ko te Maori mana ano e whakatuturu te tokomahatanga o te Pakeha me te Maori e tu hei tangata Kaunihera mo ia wahi pera. Ko aua tangata ka pootitia peratia ano me etahi katoa atu o nga tangata o te Kaunihera ka oti na te whakaatu nga ritenga ki raro iho; ko te mutunga hoki o to ratou tunga me rite ki to etahi atu, a ko aua mema he mea apiti ki nga tangata Kaunihera kua pootitia mo te takiwa katoa. |
