Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He Ture hei whakatikatika i "Te Ture Hoko Waipiro i Roto i nga Takiwa e nohoia ana e nga Tangata Maori, 1870." (31 o Akuhata,1874.).

He Ture hei whakatikatika i "Te Ture Hoko Waipiro i roto i nga Takiwa e nohoia ana e nga Tangata Maori, 1870."

He Ture hei whakatikatika i "Te Ture Hoko Waipiro Whakaingoatanga. i roto i nga Takiwa e nohoia ana e nga Tangata Maori, 1870."

[31 o Akuhata, 1874.]
Notemea e tika ana kia whakatikaia "Te Ture Hoko Waipiro i Matua korero. roto i nga Takiwa e nohoia ana e nga Tangata Maori, 1870," ki te ata whakahaere hoki i te tikanga whakamana tiwhikete whakaae i etahi raihana e tukua ana i roto i nga takiwa kua panuitia i raro i taua Ture:

Na tenei ka meingatia hei Ture e te Runanga nui o Niu Tireni i noho huihui nei i roto i te Paremete i runga hoki i te mana o taua Runanga nga ritenga kua tuhia i raro nei:—

1.Ko te Ingoa Potomo tenei Ture ko "Te Ture Hoko Waipiro Ingoa Poto. i roto i nga Takiwa e nohoia ana e nga Tangata Maori, 1874," me korero tahi tenei Ture me "Te Ture Hoko Waipiro i roto i nga Takiwa e nohoia ana e nga Tangata Maori, 1870," (ka kiia i muri ake nei "Ko taua Ture").
2.I te whakamaramatanga o nga ritenga o tenei Ture, ko te Whakamaramatanga. kupu "takiwa tuku raihana" ka kiia ko te takiwa tuku raihana i hanga i raro i "Te Ture Tuku Raihana, 1873," i raro ranei i tetahi i etahi Ture whakatikatika i taua Ture; ko te kupu "Kooti Tuku Raihana" ka kiia ko te Kooti i noho i raro i nga tikanga o nga Ture Kua oti nei te korero; me te kupu hoki "takiwa e nohoia ana e nga page 2tangata maori" ka kiia ko tetahi ko etahi takiwa ranei kua hanga i raro i taua Ture, e whai mana ana ranei taua Ture i runga, ka hanga ranei a muri ake i raro i taua Ture.
3.Ka ahei te Kawana te panui kia noho tahi nga Ateha me te Kooti tuku Raihana. Ka tika i runga i te Ture ma te Kawana, i runga i te waraati ka tukua i raro i tona ringa, e panui ko te Ateha ko nga Ateha ranei kua whakaturia mo tetahi mo etahi takiwa e nohoia ana e nga tangata maori i raro i taua Ture, ki tetahi ranei o aua Ateha e pai ai ia, kia noho kia mahi tahi me te Kooti tuku Raihana i tu mo tetahi mo etahi takiwa tuku raihana i uru ki roto, a he wahi hoki no taua takiwa e nohoia ana e nga tangata maori.
4.
Ka mana anake te noho a nga Ateha ki roto ki te Kooti tuku Raihana mo nga raihana i roto i nga takiwa e nohoia ana e nga tangata Maori.Ko taua Ateha nga Ateha ranei me noho me mahi tahi me te Kooti Tuku Raihana mo runga anake i nga raihana ka tika kia tukua kia whai mana ranei, e whakaarohia ana ranei kia tukua kia whai mana i roto i te takiwa e nohoia ana e nga tangata maori, i whakaturia ai taua Ateha aua Ateha ranei, kaua ki tetahi mea ke atu.

Mehemea ka maha atu nga Kooti Tuku Raihana i te mea kotahi i roto i tetahi i etahi ranei o aua takiwa e nohoia ana e nga tangata maori, ka ahei te Kawana i runga i tona waraati, te whakatu i tetahi Ateha i etahi Ateha ranei hei noho ki roto ki tetahi ki etahi Kooti Tuku Raihana e ata whakaritea ana i roto i taua waraati, a me noho me mahi taua Ateha aua Ateha ranei i te Kooti Tuku Raihana i whakaturia ai ia, ratou ranei, kaua ki tetahi atu.

5.
E kore e puta nga tiwhikete tuku raihana mehemea kahore e whakaaetia e te Ateha. E kore e tika kia whakaputaina te tiwhikete whakaae i tetahi i etahi raihana ranei, kia tukua kia whai mana ranei i roto i tetahi i etahi takiwa ranei e nohoia ana e nga tangata maori kua oti nei te korero, e kore hoki e tika kia whakaaetia te whakahoutanga, te tukunga ranei ki te tangata ke, te tangohanga atu ranei ki tetahi wahi ke atu i tetahi raihana etahi ranei i roto i taua takiwa, mehemea kahore i whakaaetia e tetahi Ateha, etahi Ateha ranei i whakaturia i raro i tenei Ture a i uru ki te Kooti Tuku Raihana. Me whakaatu tana whakaaetanga i te tuhinga o nga ingoa o taua Ateha o aua Ateha ranei ki runga ki nga tiwhikete katoa me etahi atu pukapuka e kiia ana e te "Ture Hoko Waipiro, 1873," etahi atu Ture whakatikatika ranei i taua Ture, kia tuhia te ingoa o te Tiamana o te Kooti Tuku Raihana.

Engari kahore he tikanga i roto i tenei Ture, i tera Ture ranei hei mea, ma te whakaaetanga a tetahi Ateha o etahi Ateha ranei e tika ai te whakaputanga o tetahi raihana, etahi raihana ranei e te Tiamana ake o tetahi Kooti Tuku Raihana, e tetahi kai Whakawa Tuturu e nga mema to-korua ranei o te Kooti Tuku Raihana.

Mehemea i uru tetahi Ateha kotahi tuku Raihana, ma te tuhinga o tona ingoa ki tetahi ke etahi tiwhikete, ki etahi pukapuka atu ranei, i whakaaetia i tukua e taua Kooti, ko taua tuhinga ka kiia he tino tohu whakaaetanga i runga i nga tikanga o tenei Ture, kahore he ritenga kia tuhia hoki te whakaaetanga me te ingoa o tetahi Ateha o etahi Ateha ranei e tika ana kia uru ki roto ki te Kooti pera.

6.E kore e puta etahi atu raihana hoko waipiro mehemea kahore e whakaaetia e te Ateha. Ko nga raihana i tukua i raro i nga Ture kua oti nei te korero, i whakaaetia hoki e tetahi tangata whai mana ranei ehara i te Kooti tuku Raihana, engari ka meingatia kia whai mana aua raihana i roto i tetahi i etahi takiwa ranei e nohoia ana e nga tangata maori, ka ahei te Kawana i runga i te tikanga kua oti nei te korero ki te whakatu i tetahi Ateha kotahi etahi Ateha ranei kua oti nei te korero hei whakaae ki te tukunga o nga raihana pena i roto i te takiwa e pera ana te ahua; e kore e tika kia puta tetahi raihana pera mehemea kahore i riro mai te whakaaetanga o taua Ateha, aua Ateha ranei, i nga tikanga kua oti nei te korero.