.gif)
Proposals made by Sir George Grey to Tawhiao, at meeting at Hikurangi, on the 10th May, 1878
Proposals made by Sir George Grey to Tawhiao, at Meeting at Hikurangi, on the 10th May, 1878
page break.gif)
Proposals made by Sir George Grey to Tawhiao, at Meeting at Hikurangi, on the 10th May, 1878.
| 1. | E tu na koe i to mana, ka apitiria atu e te Kawanatanga ko koe ano hei Kai-whakahaere mo to takiwa, ka awhinatia koe e te Kawanatanga me nga Rangatira o to takiwa hei whakahaere, kia tau ai te pai me te rangimarie ki nga iwi e rua i te motu nei, ka titiro tonu te Kawanatanga ki a koe, e kore e titiro ki tetehi taha ki tetehi taha, mau ano te kupu kia reti ka reti, kia hoko ka hoko i roto o to takiwa. Ka hoatu e te Kawanatanga he oranga mou me nga Rangatira ki te whakahaere i to takiwa. Ka hoatu e te Kawanatanga e rima rau pauna mau ma Tawhiao i te tau, ko nga moni mo te takiwa katoa ka tukua nuitia ki a ia ki a Tawhiao mana te tikanga mo nga rangatira o tona Takiwa. |
| 2. | Ka hoatu e te Kawanatanga ki a rima rau eka mou i te takiwa o Ngaruawahia kia tutata ki te Urupa o to Matua. Ma te Kawanatanga e hanga he whare mou ki Kawhia mo to Runanga. |
| 3. | Ko nga wahi i toe i te Kawanatanga te hoko ki te Pakeha i te taha Hauauru o Waikato o Waipa, ko nga wahi era e hoki ki a Tawhiao. |
| 4. | A i tua atu o ena, i te mea ka nui toku hiahia kia whiwhi koutou i te rawa, e mea ana ahau me whakaatu e te Kawanatanga etahi wahi i roto o nga taone katoa e tu ana i Waikato i Waipa, me hoatu ki a koe tiaki ai mo te iwi katoa, ko nga moni e puta mai ana, mau ano e whakahaere ki tau ritenga e pai ai. E mea ana hoki au kia hohoro koe te whiwhi i te rawa, no te mea ka hohoro tonu te tupu kia nui te pai o enei wahi. |
| 5. | Mo te taha ki nga rori, ko taku hiahia mau maku e whakahaere te ritenga o ena, kaua te tangata e pokanoa ki te hanga rori i te mea kaore ano kia oti i a koe i te Kawanatanga nga ritenga mo te rori. |
| 6. | Mo nga Ruri, mau ano te kupu kia ruritia ka ruritia. |
| 7. | Kua maharatia e au enei mea, a ko taku hiahia nui, kia kite atu au kua noho pai koutou ki runga i nga whenua ka whakaaturia ki a koe, ki te whakaaetia e koe aku e whakaatu nei, ka mahi tonu au kia wawe te noho pai ki runga i nga wahi mo koutou i roto o aua takiwa ka whakahokia atu nei ki a koutou, a kaore ano kia tukua ki te Pakeha. Mo te taha ki etahi mea, ara parau, rakaraka me etehi atu mea e taea ai te whenua te mahi kia pai, ma te Kawanatanga tetahi ritenga mo tena, kia noho pai ai kia noho ora ai koutou ki runga i o koutou kainga ka hanga na. Heoi ana te mea e taea e au te whakarite atu ki a koe. Mo nga wahi i nga taone, ma maua tahi ko Te Hiana ko Tawhiao e titiro nga mapi, e kowhiti nga wahi e riro atu mo koutou. |