Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

17 — Whanautanga tui — Na Hoani Hipango

17
Whanautanga tui

Na Hoani Hipango

I te timatanga he tui tona ingoa, ka whanau ki waho he pi, a ka nui he pikari, a ka pakeketia he purehe, ka momona, muri iho ka koko te tui. He ritenga tenei mo te tangata e whiwhi ana ki te taonga i te timatanga, muri iho ka rawakore, a muri iho ano ka whiwhi ki te taonga. Kei a Mei ka timata te momona, kei a Akuhata ka mutu te momona, ka koko nga ngutu i te hinu, ka puta ki waho kia mama ai ia. Me rere ki runga ke te hou, ki te rewa, ki te rata, ki nga rakau katoa. Ka timata te raumati ka hanga ia i te kopae hei whanutanga mo ana pi, a ka rere nga pi, muri iho ka pikaritia i te ngahuru. Muri iho i te pikaitanga a purehetia. I te whanautanga tuatahi o te tui e toru nga hua, muri iho e rima, muri iho e ono, no roto enei i te tau kotahi. Kei a Hepetema te timatanga o te whanau o te tui, a ko te marama whakamutunga ko Maehe; e rua nga wiki me te hawhe ka paopao nga hua.