Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

1 — He Karakia Tiepa Tenei

1
He Karakia Tiepa Tenei

"Te manu, te manu i Ahuahu ra . -e
Te takina, te takina mai ki tenei tahu
Te takina, te takina mai ki tenei turuturu
Te takina, te takina mai ki tenei paerutu
Te takina, te takina mai ki tenei whakawene
Ruia takina, takina ki tenei pua, takina!
Te manu, te manu i Pouturu ra . . e
Te manu i Ruahine ra . . e
Te manu i Te Whakoau ra . . e
Te manu i Te Ngaere ra . . e
Te manu i Paraeroa ra . . e
Ruia takina, takina ki tenei pua, takina!"

Ki te rangona te manu e rere ana i te po ka mohio te tangata kei te tiepatia mai e nga tohunga o etahi pua. Ka mau ia ki te huruhuru manu, ka takahia ki raro o tona waewae maui, ka whakahua i tana karakia pupuri, koia tenei:—

"Tane i puritia
Tane i tawhia
Puritia kia mau; mau kita."

I penei te whakamarama a tetahi kaumatua: Ka tiepatia te manu, ara ka karakiatia kia haramai, ka haramai i te po. Ka rongo nga tangata whenua i te haruru o nga manu i te po ka puta te tohunga ki waho, ka karanga: "Tane, e! Puritia! Tawhia!" Kua mohio kai te tiepatia mai; ka tiepatia mai nga manu i tawhiti, he taki mai.