▼  About this page

Title: Acts Affecting Native Lands, Etc. (In English and Maori), Passed by the General Assembly, Session 1892, 1893, 1897, 1898, 1899

Author: General Assembly of New Zealand

Publication details: George Didsbury, 1892

Part of: He reo ture nō te Whare Paremata / Statutory language

Conditions of use

▼  Browse collection

Acts Affecting Native Lands, Etc. (In English and Maori), Passed by the General Assembly, Session 1892, 1893, 1897, 1898, 1899.

Niu Tireni. — Ture Whakatikatika I Te Ture Maina

Previous Section | Table of Contents | Up | Next Section

[ko te tohutoro i roto i te reo Pākehā]

page 1

Niu Tireni.
Ture Whakatikatika I Te Ture Maina.

He Ture hei whakatikatika i "Te Ture Maina, 1891."

Na Ka Meingatia Hei Ture e te Runanga Nui o Niu Tireni e noho huihui ana i roto i te Paremete i runga ano i tona mana, ara:—

1. Ko te ingoa Poto o tenei Ture ko "Te Ture Whakatikatika, 1892, i Te Ture Maina." Me panui tahi tenei Ture me "Te Ture Maina, 1891," e huaina nei ikonei ko "te tino Ture."
3. Ko "Te Ture Maina, 1891," e whakatikaia peneitia ana, ara:—
(2.) Mo ia kereme motuhake me nga raihana pupuru whenua:
  • (b.) Ko te wahanga tahi o te Tekiona whitu tekau ma tahi o "Te Ture Maina, 1891." e whakatikaia ana e tenei, ara,—ko nga kupu katoa e whai ana i enei kupu "mehemea he whenua Maori" ka whakakorea katoatia, a ka hoatu ko enei kupu, ara:—"Ko nga moni reti kia kotahi hereni i te tau mo ia eka kotahi me ia wahi o te eka, puta noa nga tau katoa o te raihana, a i tua atu o aua moni reti me utu ano hoki e te Kaitango riihi, i ia tau he maina raiti, kia kotahi mo ia tangata e whakamahia ana i ia tau, ahakoa e utua ana ki te moni, e uru atu ana ranei ki taua mahi i runga i etahi atu tikanga, e mahi ana i runga i te whenua e pangia ana e ia riihi, ko te utu mo ia maina raiti pera kia rua tekau hereni mo ia tangata pera; a ko aua maina raiti pera katoa me whakaputa i runga i nga ingoa o nga tangata no ratou te whenua, ko nga moni e puta mai ana mo aua maina raiti me utu ki nga Maori whaitake ki te whenua.
16.

I runga i te whakawakanga o te take, i te wehewehenga ranei i tetahi poraka whenua Maori, mehemea e whakaae atu ana te nuinga o nga Maori whai take, ka ahei te Kooti Whenua Maori i runga i te tono a te Kawana, ki te whakaputa ota a te Kooti whakahau kia tukuna taua whenua ki a te Kuini hei mahi maina, i runga i nga tikanga e whakaaetia ana ki waenga i te Kawana me te nuinga o nga Maori whai take.

A i runga i taua tu tono, mehemea kua oti te panui ki roto i te Kahiti me nga panui a te Kooti, a mehemea e whakaae ana te nuinga o nga Maori whaitake, mehemea hoki kua oti i mua atu te whakawa me te wehewehe nga take, ka whaimana te Kooti ki te page 2whakaputa ota whakahau kia tukua ki a te Kuini tetahi poraka whenua Maori tetahi wahi ranei o taua poraka mo nga mahi maina i raro i nga tikanga kua whakahuatia ake nei.

A ka oti tetahi ota pera te hanga ko te whenua e whakaaturia ana e taua ota ka puritia i muri iho e te Kuini mo te wa mo nga mahi hoki i runga ano i ia tikanga e mau ana i roto i taua ota.
17. Ko nga mana me nga take kua riro i te Kawana mo te taha kia te Kuini i raro i te tiiti tuku o te Poraka Mahi Koura i Ohinemuri i tuhia i te tekau ma waru o nga ra o Pepuere kotahi mano waru rau whitu tekau ma rima pera ano me tera e mau ana i te panui i roto i te Kahiti o te Kawanatanga Porowini o Akarana o te waru o nga ra o Hurae kotahi mano waru rau whitu tekau ma rima e kore e whakahokia iho nga take a te Kawanatanga i runga i te whakakorenga o te take Maori, i te tukunga ranei o tetahi Karauna karati tetahi atu pukapuka take ranei mo tetahi mo etahi wahi whenua ranei e mau ana i roto i taua Kahiti, a ko taua tiiti tuku ka kiia a kua kiia hoki kua tuturu ona tikanga ki runga i nga tangata katoa i runga ano i te tika me te whakaramamatanga o ona tikanga.

Previous Section | Table of Contents | Up | Next Section