Niu Tireni.
Ture Whakatikatika I Te Ture Taone Maori, 1899.
He Ture hei whakatikatika i "Te Ture Taone Maori, 1895."
Ka Meingatia Hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara: —
1. | Te Ingoa Poto o tenei Ture ko "Te Ture Whakatikatika i Te Ture Taone Maori, 1899." |
2. | E whakangawaritia ana e tenei nga tikanga o te tekiona rua tekau o "Te Ture Taone Maori, 1895" (e huaina ana i roto nei ko taua Ture), ara kia kaua e waiho ma nga moni o roto o taua kaute e utu topu katoa atu nga moni e tika ana kia utua hei whakaea mo nga whakapainga, me te ruritanga, engari ko aua utu mo nga whakapainga me era atu utu me whakaea i runga i te tangohanga atu o etahi o nga moni o ia ono marama, kaua e maha atu i te rua tekau nga utu a ono marama e puritia atu ana etahi wahi o nga moni, ki ta te Minita mo nga Whenua i mahara ai he mea tika, i runga ano i te tohutohu atu a te Komihana, a ko te toenga o aua moni me tuha i ia ono marama ki nga Maori whaitake. |
3. | Ko nga moni e tika ana kia utua ki nga Maori mo ia tuhatu-hanga o ia ono marama me utu ki a ratou i muri tata tonu iho o te wehewehenga o aua moni. |
4. | Ko te tekiona rua tekau ma rua o taua Ture e whakatikaina ana e tenei Ture, ara e whakaurua atu ana enei kupu, "ki nga utu mo nga whakapainga ranei" i muri tata tonu iho i nga kupu "o tetahi hea whaipaanga ranei." |