HE TANGI NA HE KAUMATUA O NGATIAWA.

E ua E, te ua ua mai, i waho na;
Hei roto nei au, whakawairau ai.
He ra ka tautau, ki runga o Kaitangi,
Ka tohu au, e ko te hoa, ka wehea,
I pupuke a wai, te roimata i aku kamo,
Ma wai e whai atu, tona kaiheuea,
Tona kainga hoe, ka eke kei Toka-puta,
Kei roto kei te Ahuru, kei whitia i raro ra,
Kei te kai a kiri, ka hoki mai ki a au,
Ka whano ano koe, ka whano, ka oti atu;
Ka waiho au, e te tau, kia karangi ana;
Te hekenga i te Tutu,
Ka hinga au, ka turori.