– 74 –

NA TE KAKARIKI, TENEI TANGI.

E te kaka ! e rere atu ra ra, ho mai aku kura,
Naku ano aku kura, i tiki ki te motu tapu, na Tinirau.
Torete kaureke, torete kaureke.
E te kaka, e rere atu, ra, ra,
“E rere ana koe ki hea ?”
“E rere ana ki Poutahi ?”
“E rere ana ki Puke-wanake ?”
“Ki te kawe korero ki a Te Iripa ?”
Kahore hoki au, e aha atu nei, ki a koe;
Ka tu au, i te rahui whakaioio, na Toko-ahu;
Tenei au, kei te ruhi noa, kei te ngenge noa,
Ta te raumati hanga. Torete kaureke, torete kaureke.