Collected songs and legends from the southern Cook Islands
No Rarotonga (Chiefs of Avarua)
No Rarotonga (Chiefs of Avarua)
Te tuatua no tetai tangata ko Tui akana ma nga Teina e tere te ratau mei Avaiki mai e aere mai ratau e akamou kura ki nga Ariki Avarua, e [unclear: tapakau] ta ratau aere mai ei Kua ae mai ratou e raro i te ava ia Avarua, ei reira e kapiki mai ei.
Tera te kapiki, i raro i te Ava.
Papaia i Papaia te papa ia Atu, te papa roa, te papa i Avaiki, e tu ra Rarotonga eia runga, eia runga. Kare e tangata i kite i te aitenga. Ei reira e unga ia ai te tiki i te tamaine Tuiakana tera te ingoa i taua tamaine. Ko Taaturangi nana i akakite mai e te aitenga. Ei reira e kapiki mai ei te metua i tui Papaia. Papaia! Te papa ia Atu, te papa rua te papa ki Avaiki e tu ra Rarotonga eia runga e ia runga. Tera ta te tamaine i akakite mai. E itu eitu, ko te mea i kite ei te Metua. Eitu ariki Ariki Avarua, Eitu rai tapakau. Tera aua nga Ariki ra. Ko Tetauuoterangi. Tinomana ko Io, Tamaiva ko Tamatoa Vaeruarangi ko Teurukura. No reira nga tapakau e itu.