Other formats

    TEI XML file   ePub eBook file  

Connect

    mail icontwitter iconBlogspot iconrss icon

Collected songs and legends from the southern Cook Islands

E Tuatua Teia No Tetai Vaine Taae I Noo Teia Ngai

[Note added by Bob O'Brien as transcriber:] E Tuatua Teia No Tetai Vaine Taae I Noo Teia Ngai.

Tera te ingoa i taua vaine ra, Kokarikatia.

Tera te tu o taua vaine ra, e vaine kai tangata e na roto i te ravenga pikikaa e rauka ai tana tangata i te ta, ka aere mai aia ki te puna vai i Takamoa noo ei, tera tonu ravenga ka apai mai aia i tetai kete mai, ei akapikikaa i te tangata kave vai, ei reira e rauka, ai tonu tangata, mei te tane e te vaine, e te Tamariki, tera te tuatua a taua vaine ra kare kotou e kaki ki te Mai, ei reira e karanga ai te tangata e kaki matou, ei reira e [unclear: oake] ei te kete mai kia kai te tangata, ei reira aia e karanga ai kare kotou e ingaro tetai mai na kotou, kua vare atura te tangata, kua aru atura i taua vaine taae ra, tera te ingoa i te mai ko Puipua tera te kainga ko [unclear: Takareu], e tangata a Takareu e vaine rai no Avaiki kua noo aia ke reira, te topa ra i tona ingoa ko Takareu, no na te ingoa i taua kainga ra Ina ra ko teia vaine tau nei i tere ki tana, i anu mai [unclear: kua] aia i tetai ariki koia rai a Uenuku, ei tupuna taua vaine ra no taua ariki ra, koia rai [unclear: Uenuke], tena i ora i taua ngaru ra, koia aki te ngaru ia Uenuku, Ina ra ko taua vaine [unclear: nei]. e vaine kai tangata, ko tana ravenga tena ko te kai tangata. Kia taki ra aia i te tamariki kia tae ra ki roto i te [unclear: anu] ei reira e [unclear: kukumi] ei i te tamariki, ei reira te tamariki e kaku ei ki te metua, aue tau e, e pa e, kua taia au e te taae, ei reira taua vaine ra e kata ai no te mea kua rauka tana ika i te kinaki i [unclear: tana] kai ko ia te mai, ka tiaki ua ra te metua e kare ua i tae mai, kia aere atu te tau aru, ko te ue vai ua te vai ra kua pou takere i taua vaine taae ra, kua pera ua rai i taua vaine ra i te au tuatau katoa. E akamaara tatau i te tu ravenga a te Diabolo, i te takinga kino anga i te tangata. E akamaara tatau ki tetai [unclear: peroveta] a Iehova ko tei pikikaa ia e tetai peroveta, e te apenga kua mate, akamaara ki te tuatua i roto i te puka tai a te au Ariki pene 13. 11-32.