Collected songs and legends from the southern Cook Islands
E Aue E Te Tungane Te Mea Mai.
[Note added by Bob O'Brien as transcriber:] E Aue E Te Tungane Te Mea Mai..
1 E aue e te tungane te mea mai, te manako aoku te ngati ki tena tua a, ka akapua au me noo ki te enua, pa atu ei na taku karanga ka akaoti i teianei nga tua a ka tapapa ua e meari ki te ara iaia, tei te ariki taratu te tika i tana rave e.
2 Aue e te tungane te noo nga ki te enua, ka kimi au ra kio ai, Ngaringa ake tei pekavai kae i kanatu ka ana atu au ka kimi i te ngai i maki ai e mataraanga teia ia taua ki te enua, te ngaro atu i taku akaipa mata e.
3 E aere mai au mei te tari toka ki te vairanga tai kua motu a manu te oro a te tungane, ka [unclear: mokamo] taku amu tu mai anga ua te aro o Araiti ki reira ki te aenge e, pa atu ei no taku karanga, e aere rai, ari ia te tua [unclear: urumaoa] ki te moana, taoi ia atu te au taura a Marike kia koe, rave ia te akaviti Poriki ei reo no au e.
4 Noea mai te tu akarongo o te mani i rauka ai te kimi ki tei reira ngai, naku koe i kimi ki te uipaanga ioau, ko nga ngai mataku roa ia e meari e tutuke te manako e.
5 Ko to karanga ra maine eaa tena aue naau ki to parata pa atu ei na taku karanga mei te kai taana te kore nga e topa ki rora, te tangi ki te parata ooku [unclear: tokotoru] ua matau e noo nei, ko te a tei Mangaia ia [unclear: Atatavana] nui aia e konitara no Keia te pirai maira i reira.
6 Tu ake i te akirata e moara au e te tungane ki to taua moe nga ki Pekavai, pa atu ei na taku karanga te kake nei au ki te itu marama e Toru ariki i te [unclear: ture] ia taua e.
7 Noo ua au ra i te mataara i taatai akava ki te tane aku, tau a mua amuri ia Ruete kia oke, tei roto i te are pure raa te taka nga i te tane aku, ki reira taku akara e, e aere mai mai a Gili i te akakite i te ara ia nei anatuanatu e a roto ngarepaiti iroiro ki taua e.
8 E aere e taku tane aru pai ei Takitu noo mai ei, ei Tongararo akau ei nga tuatua e taku tane, ko kae nai e Tukutamaki te ka temu ki te tuatua maaka e
9 Te ketu mai nai te ika taka reva iti i tai au no au, aro tika mai koe ki roto ia [unclear: Akalana], patia te au o Miti Besekati kua riro te moni aroa e.