[Note added by transcriber:] E Tuatua Teia No Tetai Vaine...

E tuatua teia no tetai vaine i taia e te tane kua oro atura ra ki [unclear: rato] i tetai ana, tera te ingoa i taua ana ra ko Anataketake, tera te ingoa i te tane ko Paroro, tera te ingoa i te vaine ko Inutoto. Kua tata raua, kua tuatua kino ia e te tane, kua [unclear: iriirinanga], ki te au tuatua viivii, ko te mea tena i oro ei taua vaine ra ki roto i te ana, tera tana kai iroto i taua ana ra e tutui, no te mea kare e kai, akatai mataiti i te nooanga. Te kimi aere ua ra te tona i te vaine kare ua i kitea. E vaine ra i te manava kino i te tangi kare ki te tane, i te kimi anga iaia, no te manava kino o te tane i akapera ai, aia kua mamae tikai aia i te tuatua kino a te tane.

No reira aia i tou ei i te manga pee, tera taua pee ra.

= Kua oti ei aka ariki i te matangi ki te Marangai tai, kia aere mai a Paroro e, e rave ake i tona vaine te naku nei ki te tane e.
= Autu matangi e, e maoake te ka ukua kua akaipo ra te vaine aru marama ki te tane e.