Other formats

    TEI XML file   ePub eBook file  

Connect

    mail icontwitter iconBlogspot iconrss icon

Collected songs and legends from the southern Cook Islands

E Tuatua Teia No Tetai Tangata Toa Koia a Kapo

E Tuatua Teia No Tetai Tangata Toa Koia a Kapo

Kua akamoupuku aia, no te kou tongaua puaka i te kainga a Kapo i te are o te au toa, kua riri a Rupe i reira. Tera te tuatua a Rupe. E marae tapu taku marae, kare kainga ua ia e te tangata. Kua karo atura a Rupe i te kai ki roto i te vaa o Kapo. Tera te tuatua a Kapo. ko to marae te tapu, ko au te tapu, kua tu a Kapo, kua aere kua akaruke i te are o te papunga toa, kua vaoo atura a Kapo i taua tuatua ra, ei tona kai roto ki roto iaia, e tae akara ki te tuatau i tupu ei te tamaki. ka mate ei Rupe, kia aere ra te tamaki e tae atura ki Kiikii kua vai nga pae ko te are ariki e. Arorangi ki tai ia i te ara metua ko te Teauotonga. ki uta ia Toronai ko te tamaki anga ia, na ra kia tamaki, kua kapiki te au toa, e Kapo e, ka titiri, kare takiri i akarongo a Kapo te ra te mea i akapera ai aia no te akamoupuku, e kare e ngaro poina. E apinga kino rai te akamoupuku a te ekai e te manava kino, e te roto riri, e te tu tangata, ko te apenga tena o te [unclear: angaenga] kino.