E Tuatua No E Tokorua Tangata Ngaki [unclear: Ange]⁵ I Te Tuatau Ange Kino

Tera ta raua angaanga e ngaki ange. kua akaruru raua, kare roa e rauka no te maata o te ange, ei reira tetai e karanga ai ka aere taua ke te maunga ka ngaki enge, e na ra ka aere kua aere atura, kia tae ra ki te maunga, kua karanga atura tetai akapua taua, kua tuatua maira tetai, e aere [unclear: kae] nanao manu na taua kia aere au ko ui na taua, kua aere atura tetai nanao i te manu kua noo tetai ki te ko i te ui, e kia rauka, kua tau i te umu, kua tiaki atura kia aere mai ra kua rauka te manu 20 te manu kua tapoki atura i te umu, e kia tao, kua noo raua ma te tuatua tera tuatua te ui maira tetai e akapeia taua, tera ta tetai e noo taua i te maunga nei e kia au te enua ka aki ei ki tai, e kia ati te tuatua kua uke te umu, kua akiri ki te pae, kua tuatua atura tetai ka akamama te kai, ei reira kua akamama, e kia [unclear: ati] ta te Atua. kua kai ta raua tera ta raua tuatua, no taua te ao.