Other formats

    TEI XML file   ePub eBook file  

Connect

    mail icontwitter iconBlogspot iconrss icon

Collected songs and legends from the southern Cook Islands

E Tuatua No Te Tetai Tamaiti Mapu

E Tuatua No Te Tetai Tamaiti Mapu

Ko tei akona ia te metua, e tera te tuatua a te metua, ko te akatau a taua Tamaiti ra i te apii, e tamaiti ako ngata kare e keu ki te apii, Tera tona tuatua maata ki te metua ko te tao e te titiri i te metua ki runga i te ai, kua akakino aia i te apii. Kua akakite te metua i tetai ma nga tuatua i roto i te tuatua na te Atua, tera taua tuatua ra, kua akakite ia i te Maseli pene V.11-14; kua riri taua Tamaiti ra i te tuatua a te Metua, te aere ra ka ta i te metua, te oro te metua no te tuatua viivii a taua tamaiti ra, Ina ra kia tae ki tetai ra kua rave tetai aronga tamariki i tetai peu tarekareka tera taua peu ra, epinipini taae, kua piri atura taua Tamaiti ra ki roto i taua aronga tamariki ra. kua rave ratau i taua peu ra, kua karanga i reira taua tamaiti ra, ko au te pipini, kua aere atura aia kua pipini, kua oro atura ki roto i tetai are umu, kua pipini, kua kake atura ki runga i tetai paata i roto i taua umu ra. Tera tetai ai maata te ka ra ki roto i taua are ra, e [unclear: tunukuru], kia kake ra taua Tamaiti ra ki runga i te paata, kua ati atura taua paata ra, kua topa atura aia ki runga i te ai. Kua kaku atura tona vaa kua kapiki atura, "Aue tou e, ka pou au i te ai e." Kua aere maira tetai tangata kua rave iaia mei runga i te ai, ko te amo inu tena o te tamariki akarongo kore i te reo o te metua, ko te akare e akarongo i te reo o te metua. E tika rai te manga tuatua a Solomona, E akara ki te Kokeleta X.8.