Other formats

    TEI XML file   ePub eBook file  

Connect

    mail icontwitter iconBlogspot iconrss icon

Collected songs and legends from the southern Cook Islands

E Tuatua Teia No Te Toka a Onokura I Te Mate Anga O Tangiia Ariki

[Note added by Bob O'Brien as transcriber:] E Tuatua Teia No Te Toka a Onokura I Te Mate Anga O Tangiia Ariki

E tuatua teia no te toka a Onokura i te mate anga o Tangiia ariki, i te taia anga aia e Murake. Tei te maunga a Onokura, kia aatu ia ra te rongo kia Onokura kua mate Tangiia ariki, ko te aere anga mai ia Onokura, ko te ui anga ki nga Teina, teiea a Tangiia ariki ei reira nga teina e karanga ai kia Onokura, Eaa to ui mai e to matou tuakana. Tika io to tika e Ono, kua inga parapara a Tangiia ariki, ko te aue anga ia o Onokura kia Tangiia ko te akara anga ia a Onokura ki te moana tera te pai o Murake te tere ra i te moana. Ko te rave anga ia i te maka, e te taka, tera te ingoa i te toka ko Niniena na, ko te maka anga ea ki te rangi, kua topa atura ki runga i te pai o Murake, kia akara te tini o Murake ki runga i te rangi, kua poiri te rangi, ko te kapiki anga ia o te tini o Murake, e Murake e! Kua mate tatau, ei reira a Murake, e karanga ai a Murake e [unclear: kato] tena no maua ma Tangiia ariki, e Murake e, kua vaitata aua e mataku, e ariki ko Tangiia kua inga parapara ko te matenga ia i te pai o Maurake.