Rituera Mo Nga Rore Takiwa O Te Oota Initipenetana O Nga Kuru Tepara
Whakamutunga o te Huihuinga
Whakamutunga o te Huihuinga.
W.R.T. Tena ka whakamutua e tatou tenei huihuinga me haere hi waho katoa nga tangata ehara nei i te mema o te Oota. E te Waati Hekeretari moni; heaha nga moni i kohikohia i tenei ahiahi?
W.H.M. E te Waati Rangatira Tepara e tae nga moni ki te * * *
W.R.T. E te Waati Tirehua, kua riro i a koe enei moni?
W.T. E te Waati Rangatira Tepara; kua riro mai.
• • •
W.R.T. E nga Waati Apiha me nga mema; e whakawhetai atu ana ahau ki a koutou mo to koutou haerenga mai; ata whakarongo hoki, tena, me whakarongo tatou ki tetahi kupu whakahauhau ia haere tatou.
W.W.T. E aaku Whanaunga me aaku Tuahine, kei wareware tatou ki nga tikanga o to tatou nei Oota; He whakaae tino tapu to tatou nei, kia kore rawa tatou e kai i tetahi mea whaka-page 30haurangi; a ki te whakahaere hoki i nga mahi katoa, e rite ana mo te pehi i te haurangitanga. E patai ana matou kia haere mai koutou ki te huihuinga i muri nei.
W.R.T. A me haere tatou i naianei ki nga mahi, ki nga whakawainga e apiti ana ki te oranga i tenei ao; kia kaha te whakarere i nga ara o nga tangata kino; a kia kitea e whai hua ana tatou i runga i nga mahi o tenei Rore, ehara i te mahi kore tikanga.
Tena me waiata tatou i to tatou himene whakamutunga.
Nga Himene Whakamutunga.
XIII.
E Te Matua i te Rangi manakitia matou
Tenei ka mutu to matou huihuinga
Whakapumautia te pono ki roto i a matou
Kia nui haere ai To kororiatanga.Whakaorangia matou i te haurangi
Kia whakarere tonu i tona matapuna.
A ka puta mai te i nga takiwa whakawai
Te Kaka e apiti ana ki a Koe.XIV.
Haere tonu me matou e haere nei,
Hei hoa ki te whawhai ki te hara,
Homai To kaha; kia pumau tonu nei.
Te arahi i o matou hinangaro ki o ara.[Hei pa teko i nga takiwa whakawai
page 31
To matou rama i te pouritanga o te he.
Akona matou o matou nei take ki te whai.
Kia toa matou e takahi nei i te he.]Homai kia matou, e Ihowa, te whakama.
Kia kore rawa e poka i a matou te ingoa Tepara.
To kaha ki te katoa ki te whakarere i te kapa
A hei tohu wikitoria nga mema hou katoa.XV.
Kia piataata tonu te aroha o nga hoa.
Kia nui haere te atawhai me te aroha.
Ma te Atua e tiaki nga mea tika katoa
Whakatika nga tangata he hohou i te rongo koa.
W.R.T. Me arahina tatou e te Waati Hapihana ki te inoi.
Te Enoi.
E to matou Matua i te Rangi, e whakawhetai ana matou mo to tukunga ia matou kia huihui tahi mai; mo nga mahi pai kua mahia nei e matou; Murua katoatia nga mea he o to matou korerorerotanga, i to matou whakaaro hoki, mahi ranei. Whakapumautia o matou whakaaro tika, o matou whakaaro hoki ki te haere i nga mea tika; Haere tahi me matou ki o matou whare, a tiakina era katoa e arohaina ana e matou. Ma o tikanga matou e arahi i a matou e ora nei; a, i runga i to aroha i to atawhai hoki i roto i a Ihu Karaiti kia uru ai matou hei mema o tera iwi e kore nei e taea te wewete e te mate; Nau hoki te rangatiratanga, te Kaha, me te kororia, a, ake, ake, Amine.
page 32W.R.T. Me tu nga mema kia kohikohia nga Rikeria o te Rore e nga Waati Maihara. Me timata mai te Waati Maihara i toku taha katau, te Waati Tepute Maihara i toku taha maui.
[Ka mutu to raua kohi i nga Rikeria o te Rore, me hoki mai ki to raua turanga a me ki mai (kaua e whakahonore).]
W.M. E te Waati Rangatira Tepara, kua kohikohia nga Rikeria i to taha katau.
W.T.M. E te Waati Rangatira Tepara; kua kohikohia nga Rikeria to taha maui.
W.R.T. Kua mutu te hui.