Ko Te Ritenga Tenei e Ka Haere Mai Nga Mema Kua Hinga Nei, Kua Whakakahore Hoki i o To Ratou Opirikeihana.^*

[Mehemea ka whaki tonu mai te mema i tona he, me whakawa te Rore, me whakaritea te utu mo te hara, he whaina, he aha ranei; me ata pooti nga whakaritenga katoa. Me whakatu ranei he komiti hei uiui marika, me ripota ratou ki te utu e ki ana ratou i rite ana mo te hara. Mehemea kaore e whakina te he, me ata whakatu he uiuinga kia rite ki te ture VIII. ote Kunetetuhiana. Mehemea ka kitea te he o te mema—a ka whakaritea e ia te whaina, me whakahoki mai te mema e te Rore (kaua e utua te whakaurunga), me penei, te tikanga o te whokahokinga mai: mehemea i peia te mema me rere ke te tikanga whakahoki mat.]

W.R.T. Me haere te Waati Maihara me arahi mai i te Kanatieti e tono nei kia whakahokia mai hei mema ano mo te Rore.

page 42

[Ka haere to W.M. ka arahi mai i te Kai tono, kaua ona rikeria, ki te tatau o roto, me hoatu i te tohu, ara nga patikinga kaha e toru.]

W.K.(Me ata titiro me whakaatu mai.) E te Waati Rangatira Tepara; e tono mai ana to tatou Waati Maihara kia tukua mai ia me tona hoa.

W.R.T. Tukua mai. Me waiata tatou i to tatou himene whakahoki mai nama 18.

• • •

XVIII.
Awhinatia matou e Ihowa,
  Homai to kaka ki nga tangata mate,
Mau nga whakaaro nga kupu nga wa,
  Ma tera e ora ai i te mate.

E ka tuohu to mahunga,
  Ki te tini o nga he;
E ka ngohe te ngakau ra,
  Awhinatia i enei mate.

Tonoa iho te kaha tou torona
  Kei akoe anake hoki te mana.
Kia ora tonu a ka mate ra.
  Kia kake ki te rangi ora ra.

•

W.M. E te Waati Rangatira Tepara; tukua mai ki ahau te mana whakaatu i tenei mema e tono nei kia whakahokia mai ia hei mema ano mo to tatou nei Oota.

W.R.T. E koa ana matou ki to hokinga mai; e rite ana to matou pouri ki tou; i to whakakahoretanga i to Opirikeihana, engari kua koa ano te ngakau i to hiahiatanga kia hoki mai ki a matou; kia mohiotia to ngoikoretanga, te kore page 43kaha mehemea kaore e tukua mai i te Rangi; E whakahau ana ahau i a koe ki te tono i te kaha ki aia i mate nei ki te whakaara i nga hunga i hinga kia kaha ai koe ki te whakarere i nga whakawainga katoa, a kia noho honore koe i tenei ao.

Kia mohiotia e koe to matou whakaaro pai ki akoe, tenei ka patai ki a koe; ki te pereti ano koe kia kore rawa to kai i nga mea whakahaurangi a mate noa koe. Mehemea e pai ana koe ki tenei, me ki mai. "E pai ana ahau?"

Te Kai tono. "E pai ana ahau."

W.R.T. Whakarongo ki to matou nei Opirikeihana tapu; e whakaae nei koe, a kaore e taea te whakakahore a mate noa.

"Tenei koe te tangata e whakapono ana ki te Atua, ki te kaha hoki o te Atua Kaha Rawa, e whakaae ana koe, i mua o enei kai titiro, e oati ana hoki, e kore koe e hanga, e hoko mai, e hoko atu ranei, e kai, e hoatu ranei kia kainga e tetahi atu, hei kai noa (haunga te kai hei rongoa) te waipiro, te waina, te pia me etahi atu mea whakahaurangi ranei (ki konei tuhi ai i nga ingoa o nga mea e whakarerea ana e ia) a ka pehi tono koe i te kai o enei mea i to takiwa, me ata whakaaro ano koe kia tika to mahi pehi kei he koe. Me oati ano koe, kaore rawa koe e whaki atu e etahi o nga mahi ngaro o tenei oota ki nga tangata e kore nei e tika kia mohio ratou. A i akoe e noho tonu ana i tenei oota, hei mahi koa ki akoe te whakarite i ona ture, i ona tikanga hoki. A kaua hoki e he to mahi ki etahi mema, e tukua ranei kia mahia e tetahi atu, a me kaha tonu to whakahaere i te mahi o tenei oota, kia nui haere ai to mahi i nga mahi temepara."

page 44

Ko tenei to matou Opirikeihana; i runga i te whakakorenga, ka ngaro nga tikiri me nga honoretanga i whiwhi ai te tangata i roto i tenei Oota. E tumanako ana matou ki akoe, kia haere nui to mahi, a ka roa to mahi ka taea e koe nga tikiri nui, kei era hoki te matapuna o te kaha o te koa hoki. Kia ngakau nui koe ki te mahi kia rite ai to matou nei tumanako ki akoe to matou koa hoki ki te whakahoki mai i akoe ki a matou.

• • •

Me inoi te Waati Hapihana.

Te Enoi.

E te Atua Kaha Rawa, to matou Matua i te Rangi; e hiahia ana matou ki te haere mai ki to aroaro, ko koe anake te Kai whakaara i nga tangata ngoikore; te pa whakaora o nga tangata e mate ana i te hoa riri. I hinga tonu matou i mua ake nei no te mea kahore matou i titiro tonu ki akoe; Me atawhai mai koe me whaka rongo ki to matou nei inoi; He mahi koa te mahi atawhai ki akoe; Whakakitea mai to atawhai; homai to whakaoranga. Homai he kaha kia matou ki te hunga ngoikore. Kia mahia tonutia e matou nga mea e whai kororia ai koe. Kia tupono tonu to matou whakarite i te Opirikeihana e honohono nei e a matou; a e inoi ana matou mona (mo ratou) kua whakahokia mai kia matou. Whakarongo mai e Ihowa.

page 45

Kia kaua rawa e hinga ia i te hoa riri a muri ake nei, engari i aia e titiro tonu nei ki akoe mo te kaha, ki to Wairua hoki, ma tera e kaha ai ia ki te whakarere i nga mea kino katoa, a hei tangata whai mana ia ki te hapai ake i nga tangata e noho nei i roto i nga mea kino.

Kia nui To manaaki mai ia matou te muru hoki i o matou hara; a ki akoe anake te Kororia; me whakaaro hoki koe ki a Ihu Karaiti, a ake, ake. Amine.

W.R.T. Ma te Waati Maihara e whakakakahu i to tatou nei Whanaunga ki te Rikeria.

W.R.T. (Ki te mema ra.) Na; tenei kua whakaae ano koe ki to matou nei Opirikeihana kua whakakakahuria ano hoki koe ki te Rikeria, tenei ka totoro atu nei ahau i te ringa matau o te hoa (me hoatu te ru) kia mohio koe kua whiwhi ano koe i to matou aroha: Hei hoa tahi tatou ki a tatou ano ki nga tangata ke ano hoki; a me tau ki a tatou te aroha o nga tangata kua whakaorangia nei e tatou, a ka mutu to matou mahi i tenei ao, ka kitea i whai hua ano o matou nei mahi.

Me noho koe i roto o nga mema o te Rore.

•

[Me utua te moni o te koata ki te W.H.M. mehemea kaore ano i utua, a me hoatu te Kupu Pahi.]