Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Te Karoro Tipi Hau. He Kimihanga, He Haunga i Te Whare Nui o Tongameha

Wahi I. — Ki Tona Mana Haika Ariki Taipairu Tauanui

page 5

Wahi I.
Ki Tona Mana Haika Ariki Taipairu Tauanui.

Ki te Tino Rangatira, kia Kuini Wikitoria, Kuini o Kereiti Piritona, me Airana, me o raua Koroni, o Atareria me Nui Tireni, me era atu Korini, me nga whenua katoa i raro iho i tona mana; Emaparaihi o Inia.

Te Kahurangi Piata, Te Rata Whakamarumaru, Te Whakamaunga Rahiri, a ou Iwi Maori.

Kia maturuturu iho ra e nga rangi i runga, kia ringitia mai hoki he tika e nga Kapua. Kia puare te whenua, kia hua te whakaoranga, kia wana ngatahi ano hoki te Tika.

He whakaputanga tenei i te putake ka tukua atu nei, kia manakohia mai e koe i roto i tou maramatanga, me tau aroha mai ki ou Iwi Maori, kia tukua mai he wahi e puta ai nga hua o te pai i runga i te ngakau tatu, koia tenei.

Kia whakamana mai e Koe he Ropu WanangaTuatahi he tono. i runga i te Pooti o tou Iwi Maori, Hai Taumata okiokinga e marama ai te titiro atu i nga tikanga e whakahaerea ana mo nga Iwi Maori. Kia ai hoki tenei, hai whakahaere i o matau ritenga, a ka oti i a ratau te whiriwhiri, ka tuku atu ai ki a koe, me te Paremete ano hoki e tu nei i Nui Tireni. I te wa o to matau kuwaretanga, mehemea ka tupu ake te pai me te marietanga, hai reira ka whakarite ai taua whakaaetaenga.
page 6
Na, kai raruraru to ngakau. E hara i teTuarua Whakamarama. mea he whakarere i Tou Mana, he wehewehe ranei i nga Iwi e rua, engari kia kaha ai te hononga o nga Iwi Maori hai iwi kotahi i raro i te Kuini, tera ano he hononga pai kua whakatakotoria e Koe ki te aroaro o tou Iwi Maori i te Tiriti o Waitangi. Ko aua whakaritenga kaore i tino mana i nga Kawanatanga o Niu Tireui; koia i wehi ai nga Iwi Maori, kai tino ngaro rawa atu te mana i homai nei e Koe i runga i te mana o taua Tiriti. No reira i kaha ai te titiro tonu atu kia a Koe, hai taanga manawa no Tou Iwi Maori katoa.
E hara tenei tono i te mea mo nga wahiTuatoru Maori katoa. Maori anake e wehe ke ana i nga tikanga Pakeha, engari mo nga Maori katoa e nohotahi nei ratau ko nga Pakeha, ko ena nga mea e tino mate ana i aua tikanga
Koia matau nga Hahi o nga Iwi o NuiTuauha te ton[unclear: anga] Hahi. Tirene ka inoi atu nei kia koe i runga i te mamae, me te aue nui i te taumaha o etehi o nga Ture kua pa nei ki nga Iwi Maori. Kia whakaritea mai ta matau e tumanako atu nei.
Mehemea e kore e marama ki tou whakaaroTuarima he kimihanga heh haunga. nga mamae kua pa nei ki ou Iwi Maori. A i runga i tou mana Nui me tuku mai e Koe tetehi oa hoa ehara nei i te tangata e tata ana ana whakaaro ki te Kawanatanga o Nui Tireni hai uiui, hai kimi i nga take o nga mamae e whakaaturia atu nei, a i to matau whakaaro kotahi kua tino whakaaetia te Putake i runga ake nei, hai tukunga atu kia koe.
page 7

Koia ka honoa ake ai o matau ingoa e mau i raro iho nei.

Nga Iwi Naana Te Pitihana I Kawe Ki Ingarangi.
Ingoa o nga Iwi. Ingoa o nga Takiwa. Te Tokomaha
Te Arawa Pei-o-Pereti 2076
N'Raukawa Tapapa, Te Waotu 193
Rereahu-Matakore Mangaorongo 137
Marutuahu Hauraki 155
Te Hahi o te Kooti Waipa 60
N'Tuwharetoa Taupo, ki te taha Marangai 431
N'Hourua-Mahanga Whatawhata, Waikato 139
N'Hineuru Turanga-a-Kumu 126
Ngaitai Taumata-o-Apanui 93
Ngapuhi Pewhairangi 954
Ngaitamarewaho Tauranga 128
N'Kahungunu Mohaka ki Nepia 663
N'Awa Whakatane 62

Ahakoa kihai i rupeke mai etahi o nga Iwi Maori ki te hapai i tenei Pitihana, e matauria ana koinei ano to ratou whakaaro ko te Kimi i te ora mo nga Iwi Maori o Nui Tireni.

Na, koinei e nga iwi, e nga hapu, e nga Rangatira, e nga tangata whai matauranga te mea i mahia, rite tonu ki a koutou take e hui nei i nga tau katoa, ki ia wahi, ki ia wahi o nga pito e wha o nga motu o Nui Tireni.