Te Karoro Tipi Hau. He Kimihanga, He Haunga i Te Whare Nui o Tongameha
Tari o nga Koroni, — Tauningi Tiriti, — 14 Nowema, 1891. — Nui Tireni, — No 53
Tauningi Tiriti,
14 Nowema, 1891.
Nui Tireni,
No 53.
Etoku Ariki.
He whakaatu tenei naku kia koe i te taenga mai o to Pukapuka No 53 o te 19 o nga ra o Akuhata kua taha ake nei me te Pitihana i tuhituhia mai nei kia Te Kuini e nga tangata Maori e noho ana i te takiwa o Rotorua, Nui Tireni, e inoi ana kia whakaturia he Kaunihera tangata Maori o te Kuini, he whakahaere i nga tikanga mo te iwi Maori.
He tono tenei naku kia koe, kia me atu ki nga kai mea inoi, kua whakatakotoria, ta ratou Pitihana ki te aroaro o te Kuini, a nui atu tona pai i te taenga mai o taua Pitihana kia ia otira, i te mea kua tukua atu ma te iwi ake o Nui Tireui te mana mo to ratou Kawanatanga, a i te mea ano hoki e whai nohoanga ana etahi Maori i roto i te Paremete o te Koroni, na reira e kore te Kuini e ahei ki te whakahaore tikanga ke, penei me tenei e tonoa mai nei e ratou.
Me ki atu ano hoki, e tino whakapono ana te Kuini, kei te tino whakaarohia nuitia, e te Kawanatanga me te Paremete o Nui Tireni, nga tikanga e puta ai he oranga mo te iwi Maori, pena hoki me to te Kuini maharatanga tonutanga kia ratou.
Heoi, Naku, E toku Ariki,
Na to pononga rongotonu
Na Natiwhata.
(Knutsford).
Governor Onslow. Oneroa.