No. 595.Deed of Sale.£300.Ngaitahu Tribe.Ceding claims to land at Arahaura, West Coast, Middle Island.Executed21st May, 1860Tenei pukapuka i tuhituhia i tenei i te rua te kau matah, o nga ra o Mei (21st May), i te tau o to tatou Arikii 1860, he pukapuka tino hoko tino hoatu, tino tuku wakaoti atu na matou na nga Rangatira me nga Tangata i Ngaitahu, no ratou nga ingoa e mau i raro nei a hei whaka atu tenei pukapuka mo matou mo o matou whanaunga ma o matou uri mo te tuhi tuhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawa tia atu kia Wikitoria Kuini o Ingarani ki ona uri, ki nga Kingi, ki nga Kuini o muri iho iaia me ana me a ratou whakarite ai hei wakaritenga mo nga Pauna moni etoru rau (£300) kua utua mai ki a matou e Tiemi Make mo te Kuini (a e wakaaetia nei e matou te rironga mai o aua moni), ko taua whenua katoa (otira tenei ano etahi wahi whenua mo matou i roto ki aua whenua ano ki nga pukapuka (A me B) o aua whenua ki tenei pukapuka e mau ana, kihai i utu ana whenua) kei nga Porowhini o Whakatu o Kataperi me Otakou, to Poutini, ko Arahura, nga ingoa o taua wahi whenua, ko nga rohe kei raro i te pukapuka nei e mau ana te korero wakahaere, ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi, kia mau tonu kia Kuini Wikitoria ki ona uri ki ana ranei e wakarite ai hei tino mau tonu ake tonu atu. A hei tohu mo to matou wakaaetanga ki nga tikanga katoa o tenei pukapuka kua tuhi tuhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo taua wahi ki nga tikanga katoa o tenei pukapuka kua tuhia nei te ingoa o Tiemi Make, kai whakarite whenua. Ko nga rohe enei o taua whenua ka timata i te taha o te moana i Piopiotai a ka haere ki utu ki nga maunga huka ki Taumaro haere tonu ki nga maunga Tiore Patea—Haorangi, me Te Rae o Tama—ka haere i kona ki runga ki te tarahanga o Taramakau, haere tonu ki te maunga o Wakarewa, haere tonu i reira ki runga ki nga maunga tae noa ki te hapua o te Rotoroa—a ka haere i kona ki nga tauru o nga awa o Karamea me Wakapoai—a ka haere maro tonu ki te kurae o Kaurangi i te taha o te moana ka whati i kona a ka haere tonu waka te haurunga ki te taha o te moana ki Piopiotai, ka tutuki nga rohe i reira.