Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Papers Relative to the Native Meeting Held at Peria, in October, 1862

Raglan, Whaingaroa, Nowema 5, 1662

Raglan, Whaingaroa, Nowema 5, 1662.

E hoa e Te Hareti,—

Tena koe. Tenei ano ahau te tatari atu nei i te utu mai o taku pukukuka a tenei ano ko tuaruatia atu e au aku pukapuka ki a koe. Kua tae au ki Peria i reira te hui huinga nui o nga Rangatira o te motu nei. Ko te take a taua hui huinga he puru i te rori kia kaua e whiti i Mangatawhiri, he puru hoki i te iwi o Whaingaroa kia kaua e puta ki Waipa. He mea panui na taua huihuinga te purunga o enei huarahi erua. Ka oti te panui ka whakatika a Wiremu Tamehana ka panui i tenei kupu ki taua huihunga. Ka mea hei Ture tenei ma tatou mo ake tonu atu.

Ki te wahi Te Kawana i taana rori ka he. Ki te wahi hoki au i taku rori ka he au ara ka wnawhaitia maua ko Te Kawana e taua iwi Kingi. I roto i te mahia o nga korero. Ka whakatika atu au ka mea e toru nga piihi o Te Kawana kei te tahi taha o Mangatawhiri, ko Meremere page 21tetahi, ko te Kohekohe tetahi, ko Takingawairua tetahi, ekore ena e mahue. Ka mea mai ratou kaore e hoatu e pai ana nana i homai ana moni. Ka mea atu au ekore e mutu te mahi o enei rori.

Kei runga ko Wiremu Tamehana. Ka mea, na Te Kawana te timatanga o te puru. Tiro ana a Te Kawana purua ana eia te pu, purua ana e ia te paura, purua ana e ia te mata. Te take i purua ai e ia kei whiwhi te Maori i te pu kei ahu atu ki a ia. Te take o taku puru i nga rori kei ai he ara mai mo te Pakeha ki te patu i au koia au i pura ai i nga rori.

Tenei ake te maha o nga kokero,
Na to hoa,

Na Hetaraka Nero.
Kia Te Hareti, kei te Tari,

Akarana.