Copy of a Letter from Hunia Te Hakeke and others to His Honor I. E. Featherston.

E hoa Tena koe. Kua tae mai to pukapuka ki a matou, to pukapuka o te 26 nei. E koro ka pai koe, e nui ana to matou whakahari mo nga korero o to pukapuka kia matou, kua Kite iho matou i tau whakaatu i te mahi o nga tangata tokorua o Ngatiraukawa kaore matou i kite i tana mahi roherohe, kei te mahi tahae noa atu ia i te koraha, kaore e tika kia mahi whakatakoto rohe mana ki Omarupapako, e he ana tana mahi, kaore ona whenua i konei, tera ano nga rohe o tona tupuna kei Maungatautari hei mohiotanga mana ki te mahi pena. Ko to matou whenua kaore e pai kia riro i a ia tetahi wahi iti nei, he mea Panui ki nga iwi katoa nei ta matou hokonga atu i to matou whenua ki a koe, ko te mahi a Parakaia e mahi tahae ana kaore matou e kite ana i ana roherohenga atu kaore matou e pai kia mahue tetahi wahi ki tana ringaringa, kua oti ia matou te whakaae ki a koe nga rohe nunui.

E hoa Petetone kua oti ta maua mahi ko Te Pura, tuhituhi i nga ingoa o nga, tangata. E hoa kei a koe te whakaaro ki te whakatata mai i nga ra mo te huihuinga ki Parewanui i roto i nga Ratapu o tenei marama e tu nei, hei aha- ma tatou te whakararararu a tena tangata a Parakaia—ki te kaha ia ki te whakararura.ru i roto i nga iwi Maori nei, he mate no tona tinana kei muri iho, kua rite katoa nei aku iwi tuturu ki te whakaae mo taku mahi kia koe. He oti ano.

Na to hoa,