Copy of a Letter from Wiremu Pukapuka to His Honor I. E. Featherston.
KI a Te Petatone (Huparitene o Poneke),—
Maramaihoea, 6 Hepetema, 1866.E koro Tena koe, koutou ko to Runanga. Ko taku kupu i whakaputa atu na kia koe i te Tari, ara mo te mahi a Parakaia kua tika, tae mai maua ka timata te eka eka, ko te whenua i tukua atu nei ki tou ringa (ringa) kua pau katoa te eka eka e Parakaia raua ko Nepia. E koro ko Parakaia te tangata whakakaha i te Hau Hau kia kaha te to i te tini i runga i te whenua no te 9 o nga (ra) ka kite pu ahau e to ana te tini a Nepia raua ko tana Pakeha i te taha o toku kainga, ka puritia e au te tini heoi ka hoki ratou me te Pakeha, i taua ra ano ka pa te ringa o Ngatiapa ki nga pou a taua iwi wea whenua nei a te Hau Hau, ko taua mahi ekore e mutu, he mahi tuturu tenei na Parakaia raua ko Nepia me ta raua Pakeha hoki i te whenua o nga iwi e toru o Ngatiraukawa, o Ngatiapa o Rangitane, e mea ana a Parakaia koia hei mana mo te whenua. Heoi ano.
Na Wiremu Pukapuka.