Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Correspondence Relative to the Manawatu Block

He Panui, me ta ki te Karere

He Panui, me ta ki te Karere.

Manawatu, 2 Pepueri, 1866.

Ki a te Whititera,—

He korero ta matou ki a koe mo te whenua kei Manawatu nei, me whakaatuatu e matou nga rohe, kia mohia ai koe, ka timata i te Maire, e ahu ana ki runga o Tararua te Maire, rere tonu Otauru, Opapa, Te Iwiomoa, Tewe o Whanaka, Paewhakamarumaru, Oputaati, Otuahu, ka eke ki te hiwi o Tararua, ka heke ki roto o Mongohao, ka rere whakararo ka tae ki te huarahi o Arawaru, ka piki ano ki Tararua, e hoki ana ki Manawatu, ka tae ki Arawaru, ka tutaki ki Te rohe o te whenua i hokona e te Hirawanu ki a te Kuini ka rere i runga i te rohe a te Kuini ka puta ki Mangawharawhara, rere tonu ki roto o Makererua, Ngapukaru, Hingatiraha, ka rere i roto o Manawatu, Te Mai, Parika-wau, Te Kopiro, Titiuha, Mangamahoe, Te Paparewa, Hikaretu, Tokomaru, ka tutaki ano ki Te Maire, ko nga maunga nunui kei roto i tenei rohe, ko te Whakaangiangi, ko Tihipakirakira, ko Kaihinu, ko Taumatawharawhara, Taumatahouhou, ko Te Pohatu, ko Maungaraake, ko Te Paki, ko Tamara. Ko tenei whenua ka u tonu ta matou pupuru, kaore matou e pai kia peke pokanoa mai tetahi tangata ki te hoko, kia mohio tuturu mai koe, ko nga tangata e tohe ana ki te hoko i roto i tenei rohe ko Huru te Hiaro, ko Te Warena Mahuri; no Rangitane raua, ki te puta atu enei tangata ki te Kawanatanga tono moni ai hei utu mo taua whenua, kaua e homai, kauaka rawa atu, kei waiho hei putake kino mo matou, kia tupato rawa te Kawanatanga kei ki koutou kaore i whakaaturia atu e matou kia koutou te kino. Heoti ano.

Hori Kerei te Waharoa, x
Takerei te Nawe, x
Neri Puratahi,
Henere te Herekau,
Te Aomarere te Puna,
Epiha te Rimunui,
Nelson te Whare,
Arapere Tukuwhare,
Moroawati Kiharoa,
Hoani te Puna,
Te Kemara Ahitara,
Hakopa te Umu, x
Paramena Pehitawe,
Kirihipu te Poa,
Wirihana te Ahuta,
Nopera te Herekau,
Taipo,
Kereama Ngawaka, x
Te Teira nga Pawa,
Te Waka Tukuhare, x
Iharaira Pikitia, x
Karauria te Karangapa, x
Te Hira Ruatoi, x
Paneta Haereora, x
Arama Haereora, x
Arapata Whanga,
Mira Tuhera,
Akatohe Tututahi.

Ki a hohoro tonu to tuku ki te Perehi kia kite nga Pakeha katoa me nga Maori hoki.