Copy of a Letter from Nepia and others to Rawiri and Rota.

E hoa ma. Tena koutou, kia rongo mai koutou, tenei te kupu kua tae mai ki a matou, ko te take o taua kupu Na Te Pura, ko taua kupu he whakahau Na Te Pura ki a Ngatiapa kia tikina nga pou kia unuhia a tatou pou, ko te take o te kupu Na Te Petatone. E ki ana, unuhia nga pou ki te rere mai nga tangata ata whakahokia atu, ki te kaha mai ehara ia koutou tena he, kaore ona ritenga rongo tonu Ngatiapa, katahi ka whiti mai ki tenei taha, katahi ka unuhia nga pou i Omanuka, tae-mai ki Kakanui, Hokianga, Makohai, ka hoki mai Ngatiapa, ka tae mai ki Maramaihoea, katahi ka ki Ngatiapa, mo te Rahoroi ka tikina nga pou i Pakingahau ka unuhia, ko nga tangata kei muri ia Ngatiapa. Ko te Wiremu raua ko Ihakara, ko nga tangata tenei nana nga kakai, Tenei ta matou kupu, ko to matou pouri, nui atu mo enei hamumu, kei a koutou te whakaaro mo enei kupu katoa ki te kite iho koutou kia tere mai ta koutou reta kia matou, tukua atu hoki ta koutou reta ki Poneke, kei mea koutou he mea rongo na matou ki te tangata, kaore na matou ano i rongo ki te waha o te Pura e hamumu ana. Ka huri.