Taite, te 8 o Hune, 1882.
Kura Maori I Taumutu.

H. K. Taiaroa,—I whaikupu ano au mo tenei i tera tau, i tono hoki au ki te Minita mo nga kura kia tukua he moni ki runga ki nga pukapupa moni hei hanga i tetahi kura ki Taumutu. I ki mai te Minita i reira kia tonoa e au ki te Poari Kura o Katipere. I tukua ano e nga Pakeha me nga Maori o taua takiwa he pitihana ki te Poari Kura, me te whakaatu hoki i te nui o nga tamariki o taua takiwa, ki mai ana te Poari kaore he mana i a ratou mo nga kura Maori, engari me tono ki te Kawanatanga. Ki mai ana hoki nga Mema o te Poari e he ana te ki a te Minita kia tukua ma ratou anake e mahi natemea kaore he mana i nga Poari o nga takiwa ki te mahi i nga kura Maori, kei te Kawanatanga ke te tikanga mo nga kura Maori. Na te tukunga mai pea o taku patai i tera tau i pohehe ai te Minila, natemea i uru ano nga tamariki Pakeha ki te rarangi ingoa o nga tamariki. E hiahia ana au inaianei kia hanga he kura Maori, natemea e tae ana ki te toru te kau nga tamariki Maori o taua takiwa. I whakaatu atu ano au ki nga Maori, i ki atu hoki au me tono e page 19ratou kia mahia he kura. He tawhiti te kura Pakeha, te tuku atu ai a ratou tamariki ki aua kura. He kura ano i tu ki Waiwera i mua i tata mai ki te kainga Maori, engari kaore i whakaae te Poari kia tae atu nga tamariki Maori ki taua kura. No reira i kore ai ratou e tuku i o ratou tamariki ki taua kura ki etahi atu kura Pakeha ranei kei peratia ano hoki. Kei te hiahia au kia whakaaetia tenei motini, natemea e kore nga Mema o te Whare nei me te Kawanatanga e pai kia tipu kuare ake nga tamariki Maori. I ki mai ano a te Roretana i mua ko au te tangata e whakakore ana i nga kura Maori; engari kei te pootitanga i te motini nei ka kitea ai mehemea ko au, ko ia ranei te tangata e whakahe ana i nga kura Maori. Kei te hiahia au kia hanga tenei kura, ahakoa e whakahe ana nga Maori mo taku tono kura. Kei te whakahe mai ano hoki etahi o ratou ki au i naianei. Engari kei te hiahia tonu au kia hanga taua whare kura.

H. K. Taiaroa:—E tika ana te kupu a te Mema mo Akaroa e ki mai na ia, e toru maero te tawhiti atu o te kura i te kainga o nga Maori, he kino rawa hoki te ara hei haerenga atu. Ko etahi o nga Pakeha i tuhituhi ra i te pitihana kei ko atu kei te taha ki te Tonga, a tera pea e tae ki te rima maero te roa o to ratou haerenga atu ki te kura. I tuhituhi atu ano au ki te Kawanatanga ki te whakaatu atu i te kupu mai a te Poari, engari kaore he mea i puta ake; kaore hoki i whakaaetia mai kia mahia, no reira i tuku ai ano au i tenei patai.

H. K. Taiaroa,—No te takiwa e tu ana he kura ki Waiwera i kore ai e whakaaetia kia uru atu nga tamariki Maori, no reira au i tono ai kia hanga he kura Maori.

Whakaaetia ana te motini.