Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Whakatupuranga Ngahaere

Whakatupuranga Ngahaere.

Timi Kara.—E patai atu ana ahau ki te. Kawanatanga mehemea ka whakakorea e ratou te take taonga i runga i nga whenua kua whakatupuria ki te rakau a tae noa ki te wa e puta mai ai he hua i runga i aua rakau hei mea hoki kia ngahau ai te tangata ki te whakatupu rakau. He mea nui rawa tenei a he take e tika ana kia awhina e te Kawatanga. Mehemea e haere ana te tangata ki te matakitaki ka kitea e ratou te maumau o te rakau i te taha whakararo i runga i te tahutahu a te tangata ki te ahi. Na heoi te mea ma te Kawanatanga ko te whakangahau i te whakatupu o te rakau.

Te Retihana.—Tana whakahoki I mea ekore e ruarua te whakaaro he mea nui rawa taua mahi a he mahi tika kia whakangahautia te whakatupu rakau a tera ano e whiriwhiria taua mea e te Kawanatanga kia ahei ai te whakaaro me pehea he tikanga. E rangi e whakaaro ana ahau tera e karapotia taua mahi e te raruraru.