Turei, te 29 o Hepetema, 1896.
Rahui Maori O Te Takiwa O Te Urewera.

H. K. Taiaroa.—E te Tumuaki, e tautoko ana au i te korero tuarua mo tenei Pire. Katahi ano au ka kite i te Pire penei te pai kia tukuna mai ki te Kaunihera nei, e tino whakarite nei i te hiahia o nga Maori. E mahara ana au he mea tika rawa kia tautoko au i te Pire nei, me taku mihi atu ki te Minita mo tana whakaae kia tukuna atu ki te Komiti mo nga Mea Maori. E koa ana au mo te rahuitanga o tenei takiwa nui i te Tai Rawhiti, me te rahuitanga o nga manu me nga ngaberehere o taua takiwa. I tae mai ano nga rangatira o te Urewera i tera tau ki te tono mai kia mania he Pire penei. E koa ana hoki au mo te tukunga mai a te Pirimia i tenei Pire hei whakamana i tana kupu whakaae atu ki te Iwi o te Urewera; e mihi atu ana hoki au ki a Timi Kara mo tana kaha ki te haere i roto i taua takiwa, me tana kaha ki te whakarite i nga hiahia o nga Maori. Kua maha nga tau e tono ana nga Maori kia tukuna atu he mana ki a ratou, penei me nga mana e tukuna nei e tenei Pire ki nga Maori o te Urewera, engari pea he rereke no nga tikanga o tera takiwa o te Moutere nei i taea ai e te Kawanatanga te whakarite i o ratou hiahia. I tu he hui ki Waipatu, i te tau 1894, a mahia ana e nga Maori he pitihana, me ta ratou Pire, tukuna mai ana ki te Paremete me ta ratou tono kia tukuna atu he mana penei ki a ratou; engari i tono ratou kia tukuna atu aua mana i raro i nga tikanga o te tekiona 70 o te Ture Whakamana i te Koroni. Kotahi tonu te whakaaro o nga Maori kua nru mai nei ki raro i nga tikanga o te Tore, hui atu ki nga Maori o te Urewera, kia tukuna ata he mana ki nga Maori kia ahei ratou ki te whakahaere i o ratou whenua. E tono atu ana au ki te Kaunihera kia whakamana tenei Pire kia kitea mehemea e pai ana ranei mo taua takiwa, a taihoa pea e taea ai te tuku mana penei ki etahi atu takiwa. Kaore pea he tikanga kia korero roa atu au, i te mea e mahara ana au ka whakaaetia kia mana te Pire nei.

Whakaaetia ana te korero tuarua.