[Translation.]
Ko te Kupu a te Komiti mo runga i te Pukapuka-inoi a Hone Mohi Tawhai.

Ko nga kupu o tenei pukapuka-inoi he kupu tautohe whakahe hoki ki te Ture Kooti Whenua Maori e takoto mai nei i te aroaro o te Whare. Ko nga tino whakahe mo te mana kore o nga Ateha Maori mo te pokanoa hoki o nga ruri, o nga mokete me era atu whakahaere ki nga Whenua Maori i te mea kahore ano he kupu hiahia ki te pera i whakahuatia e te nuinga o nga tangata no ratou te whenua. Otira, he maha atu nga kupu whakahe kei roto i te pukapuka-inoi.

Kua whakahaua ahau kia ki penei atu ki te Whare:—

Notemea kei te aroaro o te Whare te Ture Kooti Whenua Maori e whakahuatia ana i roto i te pukapuka-inoi, e tino whakaaro ana te Komiti ka ata whiriwhiria e te Runanga nga kupu whakahe me nga kupu tohutohu o te pukapuka-inoi.