Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1877.

[Translation.] — Ko te Kupu a te Komiti mo runga i te Pukapuka-inoi a Meiha Keepa Rangihiwinui. (No te tau 1876 i tukua mai ai.)

[Translation.]
Ko te Kupu a te Komiti mo runga i te Pukapuka-inoi a Meiha Keepa Rangihiwinui. (No te tau 1876 i tukua mai ai.)

No tera tau i tukua mai ai tenei pukapuka-inoi i whakahokia mai notemea kahore te Komiti tera tau i whai kupu tuturu ki te Whare.

E ki ana te kai-inoi no runga i te mau patu a Ngarauru i tangohia ai o ratou whenua mo to ratou hara, engari ko te kai-inoi ratou ko tona hapu i piri pono tonu ki a te Kuini i whai take ano ki roto ki aua whenua i tangohia ra, e ki ana hoki te kai-inoi i hoatu ki a ia tetahi whenua e 400 eka te nui i te takiwa o Waitotara hei whakaea i aua take otira no muri iho ka kitea kua riihitia taua whenua ki tetahi pakeha, ko Vincent te ingoa, no reira i tupu ai nga raruraru e whakahuatia ana i roto i te pukapuka-inoi.

E ki ana te kai-inoi i whakaae ia ki tetahi whakariteritenga i kiia ai ko Vincent e riihi ana i taua whenua i a ia a kua tono nga kai-whakahaere o nga mea o Vincent, kua mate hoki ia a Vincent, kia tuhituhia e ia e Meiha Keepa tetahi riihi, engari ahakoa e pai ana ano ia ki te whakamana i taua whakariteritenga, e whakaaro ana ia me matua puta te Karauna karaati ki a ia.

Kua whakahaua ahau kia ki penei atu ki te Whare:—

E whakaaro ana te Komiti i nga mea i rongo ai ratou kua whakariteritea maramatia ki te kai-inoi nga mea e whakahuatia ana i roto i te pukapuka-inoi koia i kore ai ratou i mahara kia whai kupu ratou mo runga i nga tikanga o tenei mea.

John Bryce,
Tumuaki.

Hepetema 19, 1877.