[Translation.]
Te Pukapuka-inoi a Rahera Tiwaia.

E ki ana te kai-inoi i whai take ia ake ki tetahi whenua e 2,000 eka te nui e tata ana ki te Awa o Waitotara. A ahakoa i piri tonu ia ki te Kuini i tangohia taua whenua ona, e wha rau eka anake i whakahokia ki a ia. E ki ana te kai-inoi i whakaorangia e ia nga pakeha tokorua a e kore e tika kia peratia ia me nga tangata i hapai patu. E tono ana ia kia whakaarohia tana tono e te Whare.

Kua whakahaua ahau kia ki penei atu ki te Whare:—

I penei te Komiti mo nga mea Maori i te tau kua pahure ake nei: "Ko te tono a te kai-inoi i whiriwhiria ano e te Kooti whiriwhiri i nga tono pera a hoatu ana e taua Kooti e 400 eka mana, ko te mahara a te Komiti e kore e pai ta ratou whiriwhiri i te whakatau a taua Kooti, ko tetahi take hoki kahore he whakaaturanga hei tautoko i taua tono."

Kahore he kupu hou a te Komiti mo te tono whenua a te kai-inoi, engari kua kitea e ratou nana tonu i whakaora nga pakeha tokorua no reira i tohutohu atu ai ratou kia utua te moni £100 ki te kaiinoi mo tana mahi aroha ki te tangata.