[Translation.]
No. 273 of 1881.—Pukapuka-inoi a Tuta Nihoniho me etahi atu 45.

Ko Nga kai-pitihana nga tangata i whaitake ki Waitahuia, i Turanganui, i hokona e ratou ki te Kawanatanga i te tau 1876. E ki ana ratou kahore ano kia utua katoatia kia ratou nga moni o te hoko, e whakaatu mai ana hoki i te rereke o nga eka i hokona; whakapiria ana ki te pitihana nga rarangi moni i mohiotia ai e nga kai-pitihana. E tone ana ratou kia utua kia ratou te toenga o nga moni e kiia nei kaore ano kia utua.

Kua whakahaua ahau kia ki penei:—

He tino putake nui enei e tonoa nei i roto i tenei pitihana, no reira ka tino tupato te whiriwhiringa a te Komiti i nga pukapuka moni (vouchers), e tika katoa ana te ahua o aua pukapuka, a i runga i te huihuinga e rite ana ki nga moni o te hoko, me etahi atu £45, i utua mo te hainatanga i nga ingoa e rua kaore ra e pai kia haina i te pukapuka tuku i te whenua. Ko Kapene Poata, te apiha whakahaere i taua hoko, a i tae mai hoki ia ki te aroaro o te Komiti, whaki mai ana i ana kupu whakamarama. E whakaaro ana te Komiti me ata whiriwhiri ano hoki e te Kawanatanga i tua atu ano i te mahinga a te Komiti, natemea e whakapae ana te pitihana ki tetahi o nga tino apiha a te Kawanatanga.