[Translation.]
No. 135, 1889. —Pukapuka-inoi a Horomona Paatu.
E Whai kupu ana te kai-pitihana e ki ana kua whakataua ketia ana whenua ki te iwi ke, ki te iwi kihai nei i whai take ki aua whenua, i runga i nga mahi a te Make, a e inoi ana ia inaianei kia whakaturia tetahi Kooti ki Aparima kia whakaatu mai ai nga tangata e noho ana i runga i aua whenua ki a ratou take ki aua whenua.
Kua whakahaua ahau kia ki penei: E hiahia ana te Komiti ki te whakaatu ki te Kawanatanga i tukua ano ta ratou ripoata mo runga i tetahi pitihana penei te ahua i te 22 o nga ra o Nowema, 1887, a whakaarohia ana e te Komiti kahore ano i whakaeangia e te Kawanatanga te mate o te kai-pitihana me to ratou pouri mo tenei. A ka tono ano i te Kawanatanga kia tere te whakarite i tenei take.