[Translation.]
No. 470, 1891, Sess. II.—Pukapuka-inoi a Manuera Motu me etahi atu.

E Ki ana nga kai-pitihana ko nga kai-tiaki e pupuri nei i etahi whenua raupatu mo ratou i te Pei o Pereti kei te whakahaere i aua whenua ano he whenua no ratou ake a kei te kainga e ratou nga hua a e inoi ana nga kai-pitihana ki tetahi ora.

Kua whakahaua ahau kia ki penei: E pa ana nga korero o tenei pitihana ki etahi whenua e mohiotia ana ko nga whenua Karaati Tiaki o Whakatane kua maha nei nga whakamatauranga e te Paremete ki te hanga ture erangi kihai aua ture i whai mana ki te tuku mana ki te Kooti Whenua Maori e ahei ai te tuku i te ora ki te hunga whai take. A i runga i te ahua o aua whenua i naianei kahore e ahei te hunga whai take te tango i nga hua e puta mai ana i aua whenua kahore ano hoki e kaha ratou ki te tono ki nga kai tiaki kia whewehea nga hua ki waenga i a ratou a e tono ana te Komiti kia tere tonu te hanga e te Kawanatanga i tetahi ture hei tino whakaoti taua raruraru.