Nga Ture o Muri Nei: Ture Here 1884; Ture Komiti 1883.

I te tau 1883 me te tau 1884 i ahua ruarua te whakaaro o te Paremete i runga i te tuku kia hoko noa te Pakeha. I runga i nga tikanga o "Te Ture Komiti Maori, 1883." I whakaturia nga Komiti Maori kia ahei ai te uiui i nga tangata whai take, i nga riwhi ki aua tangata whai take, page 11me nga rohe o nga whenua, me tuku mai i nga ripoata; erangi kihai taua ripoata i mana ki te whakatau i nga tikanga. I runga i nga tikanga o "Te Ture Whakatikatika i te Ture Whenua Maori, 1883," i pana nga roia me nga kaiwhakahaere i te Kooti, a i runga i nga tikanga o "Te Ture Arai i te Hoko Whenua Maori, 1884," i tino araia te hoko me te riihi i waenga o te motu o Aotearoa o te wahi e karangatia nei ko nga whenua e kiia nei he whenua no te Kiingi. Ko aua whenua i tino araia i te hoko me te riihi e te Karauna. Ko nga whiu i whakamana e nga tikanga o taua Ture—mo te takahi i taua Ture he whaina he maka kit e whare herehere.

He hanga noa iho te Ture Komiti Maori kahore hoki e taea te whakaaro ona painga. I tawai tera a e tawai nei ano i naianei i nga Maori i runga i te ingoa kau o te mana. A e hiahia ana ratou kia hanga taua Ture hei tinana ora, kia whai mana ai ratou ki te mahi i tetahi mahi ma ratou.