E koro e te Rangatira o te Riri,—Tena koe, whakarongo mai he kupu taku ki a koe. Waiho enei ra e toru te Mane te Turei te Wenerei hei takiwa tirohanga atu maku ki ou hoa whawhai ara ki nga Maori o Waikato o tou hoa hoki o Wi Te Rangitake kia kite ai hoki ahau i tona pewheatanga ranei i tona pewheatanga ranei mau o whakaae mai te pai o tenei kupu ki te pai koe tuhia atu ki ou hoia kia whakamutua te mahi o nga parepare kaua rawa e mahi i roto i enei ra e 3 nei. Na ki te kino koe ki enei ritenga tuhituhia mai kia kite au, ki te pai koe tuhia mai ano kia kite au i tou painga i tou kinonga ranei.

Mo etahi ra i muri atu i enei ra e 3 nei ka mahi ano korua ko tou hoa riri. Heoi ano.

E hoa he kupu mana taku ma toku iwi ano ia e whakamana. Heoi.